QR Parlamenti Májilisiniń depýtaty Maqsat Tolyqbaı qyzyljarlyq áldebir "separatıst" atanǵan toptyń áreketine qatysty pikir bildirip, arnaıy málimdeme jasady. Depýtat Bas prokýrordyń atyna ashyq hat joldanatynan aıtty, dep habarlaıdy "Adyrna" ulttyq portaly.
Maqsat Tolyqbaı mundaı ásire belsendilerdiń áreketin synǵa alyp, áriptesteri Abzal Quspan jáne ózge de depýtattarmen birlese otyryp Bas prokýrordyń atyna ashyq hat joldady.
- Bizdiń basty qundylyǵymyz - memlekettiń tutastyǵy, turaqtylyǵy. Úı ishinen úı tigýge jol berilmeıdi. Arandatýshylar mindetti túrde jazalaryn alýy tıis, - dedi Maqsat Tolyqbaı.
Oqyrmandary depýtattyń málimdemesine qatysty pikir birdirdi:
"Mine, depýtattar dál osylaı shapshań áreket etý kerek. Áıtpese buǵan jaýapty sala basshylary kóz jumyp, " sen tımeseń, men tıme" dep esinep, tyr-tyr qasynyp jata beredi. Olarǵa eldiń múddesi, tutastyǵy kók tıyn sııaqty kórinedi","Úlken oıyn. Erteń jańa quram jumys jasaı bastady, "Amanat" eldiń tutastyǵyn qorǵaıdy degen pikir qalyptastyrý úshin aldyn ala oılastyrylǵan senarıı","Durys bastama. Tek Mýhorıapovtyń isine uqsap arty sıyrquıymshaqtanyp ketpese" dep jazdy oqyrmandar.
"Adyrna" ulttyq portaly
