Resei prezidentı Vladimir Putin Qazaqstanǧa memlekettık saparmen keldı. Būl turaly 27 mamyrda Aqordanyŋ baspasöz qyzmetı jazdy, dep habarlaidy «Adyrna» tılşısı.
Prezident Qasym-Jomart Toqaev märtebelı meimandy elorda äuejaiynda qarsy aldy. Ūşaq trapynyŋ aldynda Qūrmet qarauyly rotasy sap tüzedı.
Vladimir Putin men resmi delegasiia müşelerıne ekı eldıŋ jalauşalaryn ūstaǧan balalar, Mahambet Ötemısov atyndaǧy Oquşylar saraiynyŋ barabanşylary qoşemet körsettı.
Odan keiın Qazaqstan men Resei tularyn jelbıretken tıkūşaqtar alaŋ üstımen ūşyp öttı.
Aita keteiık, Kelıssözder barysynda Qasym-Jomart Toqaev pen Vladimir Putin Qazaqstan men Resei arasyndaǧy jan-jaqty strategiialyq serıktestık pen odaqtastyq qatynastardyŋ qazırgı jai-küiın, sondai-aq ony nyǧaitu perspektivalaryn talqylaidy.
28 mamyrda Euraziialyq ekonomikalyq odaqqa müşe memleketter basşylarynyŋ qatysuymen Euraziialyq ekonomikalyq forum ötedı. Al 29 mamyrda Joǧary Euraziialyq ekonomikalyq keŋes otyrysy ötpek.
