Qazaqstan Prezidentı Qasym-Jomart Toqaev Ūlybritaniianyŋ syrtqy saiasat vedomstvosynyŋ basşysy Devid Kemeronǧa ıltipat bıldıre otyryp, onyŋ Qazaqstanǧa sapary ekıjaqty qatynastardy damytuǧa tyŋ serpın beru tūrǧysynan mänı zor ekenın aitty. Būl turaly Aqorda mälımdedı, dep habarlaidy “Adyrna” ūlttyq portaly.
“Bızdıŋ maŋyzdy strategiialyq serıktesımız – Ūlybritaniiamen aradaǧy özara tiımdı yntymaqtastyqtyŋ qarqyndy damyp kele jatqanyna köŋılımız tolady. Bügın Strategiialyq serıktestık jäne yntymaqtastyq turaly kelısımge qol qoiylǧanyn airyqşa atap ötkım keledı. Būl jan-jaqty qūjat bızdıŋ san qyrly bailanystarymyzdy keŋeitu üşın berık negız qalaitynyna senımdımın”, – dedı Prezident.
Memleket basşysy sauda-ekonomikalyq jäne investisiialyq yqpaldastyqty, sonyŋ ışınde energetika, «jasyl» ekonomika, qarjy, innovasiia salalaryndaǧy yntymaqtastyqty nyǧaituǧa mol äleuet bar ekenıne nazar audardy.
Öz kezegınde Devid Kemeron qonaqjailyq tanytqany üşın Qasym-Jomart Toqaevqa alǧys aitty. Sondai-aq Ūlybritaniia Premer-ministrı retınde Qazaqstanǧa jasaǧan alǧaşqy saparyn yqylaspen eske aldy.
“Men mūnda 11 jyl būryn ekı el arasyndaǧy strategiialyq dialogty bastau üşın kelgen edım. Bügın Qazaqstannyŋ Syrtqy ıster ministrımen Strategiialyq serıktestık jäne yntymaqtastyq turaly kelısımge qol qoidyq. Energetika, bılım, biznes jäne mädeniet salalaryndaǧy yntymaqtastyqty nyǧaituǧa jäne halyqtar arasyndaǧy bailanystardy örkendetuge niettımız”, – dedı Ūlybritaniia Syrtqy ıster ministrı.
Äŋgımelesu barysynda mädeni-gumanitarlyq bailanystardy tereŋdetu, äsırese, bılım beru salasy men jastardy qoldau ısıne erekşe nazar audaryldy.
Sonymen qatar Qasym-Jomart Toqaev pen Devid Kemeron öŋırlık jäne halyqaralyq kün tärtıbındegı özektı mäseleler jönınde pıkır almasty.
Aita keteiık, Ūlybritaniia Europalyq odaqtyŋ qūramynda 11 jyl būryn boldy.
Ūlybritaniia 1992 jyly Maastriht kelısımıne qol qoiyp, Europalyq odaqtyŋ qūramyna enedı. Degenmen, saiasi tūrǧyda mümkındıgınşe oqşaulanuǧa tyrysyp, vizalyq şekteulerdı joiatyn Şengen kelısımıne narazy boldy, ortaq valiuta Eurony qabyldamady.
Al, ekonomikalyq daǧdarys kezınde britandyqtar Euroodaqtan şyǧu turaly bükılhalyqtyq referendum ūiymdastyrdy. Nätijesınde koroldık tūrǧyndarynyŋ 52 paiyzy Euroodaqtan şyǧudy ūiǧardy.Ūqsas jaŋalyqtar
