مەملەكەت باسشىسى قاسىم-جومارت توقاەۆ استانا قالاسىنىڭ اكىمى جەڭىس قاسىمبەكتى قابىلدادى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
پرەزيدەنتكە قالا تىرشىلىگىن قامتاماسىز ەتۋ جۇيەسىنىڭ نىساندارى (سسس-3, گاز جىلۋ ستانتسيالارى، جەو-3, ت.ب.) جانە مەكتەپ، مەديتسينالىق ورتالىق، جەڭىلدەتىلگەن قولجەتىمدى تۇرعىن ءۇي سەكىلدى الەۋمەتتىك نىساندار قۇرىلىسىنىڭ بارىسى، سونداي-اق اپاتتى جاعدايداعى ەسكى تۇرعىن ۇيلەردى ءسۇرۋ، تۇرعىن ءۇي الاپتارىن دامىتۋ، ۇلەستىك قۇرىلىس نىساندارىن اياقتاۋ، قالاعا گاز تارتۋ جانە اباتتاندىرۋ جۇمىستارى جونىندە باياندالدى.قاسىم-جومارت توقاەۆ استانانى ودان ءارى دامىتۋ، سۋمەن جانە جىلۋمەن قامتاماسىز ەتۋ نىساندارىنىڭ قۇرىلىسىن تەز ارادا اياقتاۋ، سونداي-اق ەلوردا تۇرعىندارىنىڭ وزەكتى ماسەلەلەرىن شەشۋ جونىندە بىرقاتار تاپسىرما بەردى.
