سارىشاعان پوليگونىندا رەسەيلىك زىمىران سىناقتان وتكىزىلدى، دەپ حابارلايدى «ادىرنا» ءتىلشىسى.
رەسەي قورعانىس مينيسترلىگى زىمىراننىڭ استراحان وبلىسىنداعى كاپۋستين يار پوليگونىنان ۇشىرىلعانىن مالىمدەدى.
«زىمىراننىڭ وقۋ جاۋىنگەرلىك بولىگى بەرىلگەن دالدىكپەن سارى-شاعان پوليگونىنداعى (قازاقستان رەسپۋبليكاسى) شارتتى نىساناعا ءتيدى. سىناقتىڭ بارلىق مىندەتى تولىعىمەن ورىندالدى»،—دەدى ءباسپاسوز قىزمەتى.قر قورعانىس مينيسترلىگى بۇل وقيعاعا قاتىستى تۇسىنىكتەمە بەردى. ايتۋلارىنشا، 12 ساۋىردە رەسەي سارىشاعان پوليگونىندا شارتتى نىساناعا ستراتەگيالىق ماقساتتاعى زىمىرانىن سىناقتان وتكىزگەن.
«زىمىران قاتتى وتىندى جانە جويعىش بولىكتەن تۇرمايدى. جىبەرۋدىڭ ماقساتى — ونىڭ ۇشۋ تراەكتورياسىن باعالاۋ. جۇمىستاردى جۇرگىزۋ بارىسىندا قاۋىپسىزدىك شارالارى ساقتالدى. ودان قازاقستان حالقىنا جانە قورشاعان ورتاعا قاۋىپ تونگەن جوق»،—دەلىنگەن رەسمي حابارلامادا.ايتا كەتەيىك، سارىشاعان پوليگونىن قازاقستان مەن رەسەي اراسىندا جاسالعان حالىقارالىق شارتتار مەن كەلىسىمدەرگە سايكەس، رەسەي فەدەراتسياسى جالعا العان.
