قاراعاندى وبلىسىندا بىرنەشە اۋىلدىڭ اتاۋى قازاقشالانادى

3339
Adyrna.kz Telegram
https://adyrna.kz/content/uploads/2023/04/e0862283-3c05-43d8-91df-1228de3d0cfc.jpeg
قاراعاندى وبلىسى اكىمدىگى مەن قاراعاندى وبلىستىق ءماسليحاتىنىڭ «قاراعاندى وبلىسىنىڭ كەيبىر اكىمشىلىك-اۋماقتىق بىرلىكتەرىن قايتا اتاۋ تۋرالى» بىرلەسكەن قاۋلىسى ازىرلەندى، دەپ حابارلايدى «ادىرنا» ءتىلشىسى. اشىق نورماتيۆتىك قۇقىقتىق اكتىلەردىڭ ينتەرنەت-پورتالىندا جاريالانعان قۇجاتقا سايكەس، وڭىردەگى بىرنەشە اۋىلعا قازاقشا اتاۋ بەرىلەدى.
«بۇقار جىراۋ اۋدانى ۇشتوبە اۋىلدىق وكرۋگىندەگى نوۆوسترويكا اۋىلى «اتامەكەن» دەپ قايتا اتالسىن»،— دەلىنگەن حابارلامادا.
سونىمەن قاتار وساكاروۆ اۋدانىنىڭ بىرنەشە اۋىلدىق وكرۋگى مەن اۋىلدارىنىڭ اتاۋى دا اۋىسادى:
زۆەزدنىي اۋىلدىق وكرۋگى – جۇلدىز; تەلمان اۋىلدىق وكرۋگى – نياز; زۆەزدنىي اۋىلدىق وكرۋگىندەگى زۆەزدنوە اۋىلى – جۇلدىز; نيكولاەۆكا اۋىلدىق وكرۋگىندەگى كومسومولسكوە اۋىلى – قايىڭدى; قاراتومار اۋىلدىق وكرۋگىندەگى سەناكوسنوە اۋىلى – قاراتومار; تەلمان اۋىلدىق وكرۋگىندەگى تەلمانسكوە اۋىلى – قاراكول; سادوۆىي اۋىلدىق وكرۋگىندەگى چاپاەۆو اۋىلى – جاڭاتوعان دەپ وزگەرتىلمەك.
قۇجات 27 ساۋىرگە دەيىن كوپشىلىك تالقىلاۋىندا بولادى.
پىكىرلەر