تاۋەلسىز مەملەكەتتەر دوستاستىعى سىرتقى ىستەر مينيسترلەرى كەڭەسىنىڭ كەزەكتى وتىرىسى اياسىندا قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ تاجىكستان رەسپۋبليكاسىنىڭ سىرتقى ىستەر ءمينيسترى سيرودجيددين مۋحريددينمەن، قىرعىز رەسپۋبليكاسىنىڭ سىرتقى ىستەر ءمينيسترى جەەنبەك كۋلۋباەۆپەن، بەلارۋس رەسپۋبليكاسىنىڭ سىرتقى ىستەر ءمينيسترى سەرگەي الەينيكپەن، وزبەكستان رەسپۋبليكاسىنىڭ سىرتقى ىستەر ءمينيسترى باحتيەر سايدوۆپەن، سونداي-اق تمد باس حاتشىسى سەرگەي لەبەدەۆپەن بىرقاتار ەكىجاقتى كەزدەسۋلەر وتكىزدى. بۇل تۋرالى gov.kz جاريالادى، دەپ حابارلايدى “ادىرنا” ۇلتتىق پورتالى.
سىرتقى ساياسي ۆەدومستۆولارىنىڭ باسشىلارىمەن كەلىسسوزدەر بارىسىندا ەكىجاقتى جانە كوپجاقتى كۇن تارتىبىندەگى وزەكتى ماسەلەلەر بويىنشا جان-جاقتى پىكىر الماسۋ ءوتتى.
اتاپ ايتقاندا، سامارقاندا وتكەن بۇل كەزدەسۋدە ساياسي، ساۋدا-ەكونوميكالىق جانە مادەني-گۋمانيتارلىق سالالارداعى ىنتىماقتاستىق ماسەلەلەرى تالقىلاندى. جوعارى جانە اسا جوعارى دەڭگەيدەگى الداعى حالىقارالىق ءىس-شارالاردىڭ كەستەلەرى جان-جاقتى قارالدى.
تمد باس حاتشىسىمەن دوستاستىقتى دامىتۋدىڭ وزەكتى ماسەلەلەرى تالقىلاندى. وتكەن جىلدىڭ قازان ايىندا استانادا وتكەن تمد سامميتىندە قازاقستان رەسپۋبليكاسىنىڭ پرەزيدەنتىنى قاسىم-جومارت توقاەۆتىڭ باستامالارىن ىسكە اسىرۋ بارىسىنا ەرەكشە نازار اۋدارىلدى.
