ەلەنا رىباكينا ەلوردادا پولشامەن وتكەن ماتچتا جەڭىسكە جەتتى

4407
Adyrna.kz Telegram
https://adyrna.kz/content/uploads/2023/04/0cc08a62-e03a-4ce4-81cf-70c5e5f1aca8.jpeg
استاناداعى بيللي دجين كينگ كۋبوگىنىڭ ىرىكتەۋ كەزەڭى اياسىندا قازاقستان - پولشا ماتچىندا ەلىمىزدىڭ ءبىرىنشى، الەمنىڭ جەتىنشى راكەتكاسى ەلەنا رىباكينا قارسىلاسىن جەڭدى، دەپ حابارلايدى “ادىرنا” ۇلتتىق پورتالى.
العاشقى كەزدەسۋدە قازاقستاندىق تەننيسشى الەمنىڭ ون توعىزىنشى راكەتكاسى ماگدا لينەتپەن شەبەرلىك بايقاستى.
كەشە 2:0 ەسەبىمەن العا شىققاندىقتان، قازاقستان قۇراماسىنا كوماندالىق الەم چەمپيوناتىنا جولداما الۋ ءۇشىن ەندى ءبىر عانا جەڭىس جەتكىلىكتى ەدى. ءبىرىنشى پارتيادا ەسەپ 4:4 بولعان مەزەتتە ە. رىباكينا برەيك جاساپ، سوسىن سەتكە دوپ بەرگەندە، ءوز مۇمكىندىگىن جىبەرگەن جوق – 6:4. ەكىنشى سەتتە قازاقستاندىق سپورتشى 2:0 ەسەبىمەن العا كەتكەنىمەن، م. لينەتت تارازى باسىن تەڭەستىردى. دەگەنمەن، ەلەنا قايتا برەيك جاساپ، ءوز گەيمىن الدى – 4:2. تاعى ءبىر برەيك – 5:2. سودان كەيىن ءبىرىنشى ماتچبولىن پايدالانا ءبىلدى – 6:2. وسىلايشا، قازاقستان پولشامەن ماتچتا 3:0 ەسەبىمەن العا شىعىپ، الەم چەمپيوناتىنىڭ فينالدىق كەزەڭىنە جولداما الدى.
پىكىرلەر