شىمكەنتتە اۋدان اكىمىنىڭ ورىنباسارى اسا ءىرى مولشەردە پارا الدى دەگەن كۇدىكپەن ۇستالدى.
بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگى شىمكەنت قالاسى بويىنشا دەپارتامەنتىنىڭ باسشىسى داۋرەن ەرعارين Facebook پاراقشاسىندا ءمالىم ەتتى، دەپ حابارلايدى "ادىرنا" ۇلتتىق پورتالى.
شىمكەنت قالاسى بويىنشا سىبايلاس جەمقورلىققا قارسى قىزمەتى قالالىق اۋدان اكىمىنىڭ ورىنباسارى مەن اكىمدىكتىڭ باس مامانىنا قاتىستى سوتقا دەيىنگى تەرگەۋ جۇرگىزىپ جاتىر.
ولار ءبىر توپ ادام بولىپ الدىن الا ءسوز بايلاسۋى ارقىلى مەگاپوليستى اباتتاندىرۋ جونىندەگى مەملەكەتتىك ساتىپ الۋ كەلىسىم شارتىن ورىنداۋ كەزىندە كاسىپكەردەن قامقورلىعى ءۇشىن 60 ملن تەڭگە مولشەرىندە پارا الدى دەگەن كۇدىككە ىلىنگەن.
شىمكەنت قالاسى سوتىنىڭ سانكتسياسىمەن اكىمنىڭ ورىنباسارى 2 اي مەرزىمگە قاماۋعا الىندى.
«تەرگەۋ جالعاسىپ جاتىر. وزگە اقپارات جاريا ەتۋگە جاتپايدى. سونىمەن بىرگە، كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس قىلمىستى جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ارقايسىسى كىناسىز بولىپ سانالادى»، - دەپ جازدى داۋرەن ەرعارين.
