ەرجان قالىمبايۇلى – جۋرناليست، قر جۋرناليستەر وداعىنىڭ مۇشەسى. ءبىلىم جوعارى، تۇرىك، اعىلشىن ءتىلىن مەڭگەرگەن.
ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «جۋرناليستيكا» ماماندىعى بويىنشا ۇزدىك بىتىرگەن. كەيىن وسى ۋنيۆەرسيتەتتە اتالعان ماماندىق بويىنشا ماگيستراتۋرا وقىعان. قاراعاندى «فەميدا» زاڭ اكادەمياسىندا «زاڭگەر» ماماندىعى بويىنشا ءبىلىم العان. ىستامبۇل (تۇركيا) ۋنيۆەرسيتەتىنىڭ دوكتورانتى.
ەڭبەك جولىن قاراعاندى وبلىستىق «ورتالىق قازاقستان» گازەتىندە قاتارداعى تىلشىلىكتەن باستاعان. ودان كەيىن ءار جىلدارى «قازاقستان رترك» اق قاراعاندى وبلىستىق فيليالى، «جەبە» جانە «ايقىن» رەسپۋبليكالىق قوعامدىق-ساياسي گازەتى، «حابار اگەنتتىگى» اق، «قازاقستان رترك» اق، «Qazaq radiosy»، «ەلارنا» تەلەارناسىندا ءتۇرلى لاۋازىمدا قىزمەت ەتتى. «ULYS» حالىقارالىق ديدجيتال جۋرنالى مەن ulys.kz اقپاراتتىق-ساراپتامالىق سايتىنىڭ نەگىزىن قالاۋشى ءارى باس رەداكتورى بولدى.
سونىمەن قاتار حالىقارالىق ۇيىمدار مەن مەملەكەتتىك قىزمەتتە دە تاجىريبەسى بار. اتاپ ايتقاندا، حالىقارالىق تۇركى اكادەمياسىنىڭ ءباسپاسوز حاتشىسى، الماتى قالاسى اۋماقتىق سايلاۋ كوميسسياسىنىڭ مۇشەسى، اتىراۋ وبلىسى اكىمىنىڭ ءباسپاسوز قىزمەتىنىڭ جەتەكشىسى بولىپ جۇمىس ىستەگەن.
ايتا كەتسەك، "Alatau Aqparat" جشس 2020 جىلى قۇرىلدى. قۇرامىنا "اlmaty-akshamy", "ۆەچەرني الماتى" گازەتتەرى جانە "اlmaty-akshamy.kz" مەن "Vecher.kz" سايتتارى كىرەدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز