الماتى وبلىسىنىڭ ورتالىعى قوناەۆ قالاسىندا «دامۋ» كاسىپكەرلىكتى دامىتۋ قورى» اق-نىڭ ايماقتىق فيليالى اشىلدى، دەپ حابارلايدى وڭىرلىك ءباسپاسوز قىزمەتى.
اشىلۋ سالتاناتىنا وبلىس اكىمى مارات سۇلتانعازيەۆ قاتىستى. ايماق باسشىسى مۇنداي قارجى ينستيتۋتتارى وبلىسقا اسا قاجەت ەكەنىن جەتكىزدى.
«دامۋ قورى اياققا تۇرعان قارجى ينستيتۋتتارىنىڭ ءبىرى. ءدال وسى قوردىڭ فيليالى وڭىرىمىزدە شىلۋى ءبىز ءۇشىن قۋانىش. تاياۋ بولاشاقتا وبلىستاعى شاعىن جانە ورتا بيزنەستىڭ دامۋىنا ىقپال ەتەدى دەگەن ويدامىز. الداعى ۋاقىتتا ءبىزدىڭ جاس كاسىپكەرلەرگە قوردىڭ تاراپىنان قولداۋ الۋ جەڭىلدەيدى دەگەن ويدامىن. وبلىس حالقىنىڭ اتىنان قور باسشىلىعىنا العىس ايتامىن»،-دەدى ايماق باسشىسى مارات ەلەۋسىزۇلى.سونىمەن قاتار، فيليالدىڭ اشىلۋىندا «بايتەرەك» ۇبح» اق باسقارما توراعاسى قانات شارلاپاەۆ ءسوز الدى. ول ءوز سوزىندە «دامۋ» قورى كاسىپكەرلىككە قولداۋ بىلدىرۋدە الدىڭعى قاتاردا قىزمەت ەتەتىنىن تىلگە تيەك ەتتى. «بارشاعا ءمالىم، «دامۋ» قورى كاسىپكەرلىكتى دامىتۋعا ءوز ۇلەسىن قوسىپ كەلەدى. اتالعان فيليال وبلىستاعى كاسىپكەرلەردىڭ تابىستى ناتيجەگە جەتۋىنە ءوز تاراپىنان ىقپال ەتەتىن بولادى. ەل ەكونوميكاسىنىڭ تۇراقتى وسۋىنە، ايماقتاعى شاعىن كاسىپتىڭ تاسىن ورگە سۇيرەۋگە بارىمىزدى سالامىز.«ەلىمىزدە «دامۋ» كاسىپكەرلىكتى دامىتۋ قورى» اق-نىڭ مەملەكەتتىك قارجىلىق قولداۋىنا يە بولۋعا تالپىناتىن كاسىپكەرلەردىڭ سانى ارتا تۇسۋدە، وسىعان وراي «دامۋ» قورى قوناەۆ قالاسىندا ايماقتىق فيليالىن اشۋدا»،-دەدى «بايتەرەك» ۇبح» اق باسقارما توراعاسى قانات شارلاپاەۆ. ايتا كەتەيىك، 2022 جىلى «دامۋ» قورىنىڭ قولداۋىمەن 50,5 مىڭنان استام كاسىپكەرلىك باستاما يدەياسى جۇزەگە اسىرىلدى. كاسىپكەرلەرگە بەرىلگەن نەسيەلەر بويىنشا پايىزدىق مولشەرلەمەنى سۋبسيديالاۋ قۇرالدارىمەن 24,5 مىڭ جوبا، كەپىلدىك بەرۋمەن – 20,8 مىڭ جوبا، ال جەڭىلدەتىلگەن قارجىلاندىرۋ تەتىگىمەن 5,2 مىڭ جوبا قامتىلعان ەدى اتالمىش قور 1997 جىلدان باستاپ، 2022 جىلعا دەيىنگى ارالىقتا قازاقستان رەسپۋبليكاسىنىڭ بارلىق وڭىرلەرىندە كاسىپكەرلەردىڭ 184,7 مىڭنان استام جوباسىنا قولداۋ كورسەتىپ، جالپى 10,5 ترلن. تەڭگە بولاتىن جوبا ىسكە اسىرىلدى.
