قوناەۆتا تۇرمىستىق زورلىق-زومبىلىق قۇرباندارىنا كومەك ورتالىعى جۇمىسىن باستادى

1625
Adyrna.kz Telegram
https://adyrna.kz/content/uploads/2023/04/snimok-veb-straniczy_29-4-2023_133025_yandex.kz_.jpeg
الماتى وبلىسىندا ايەلدەرگە قاتىستى قىلمىستىڭ وسكەنى تىركەلدى. وتكەن جىلى ولاردىڭ التاۋى «اسحاناداعى» توبەلەسكەندەردىڭ قولىنان قازاتاپتى، دەپ حابارلايدى حابار 24 . وبلىستا قاپشاعاي سۋ قويماسىنىڭ جاعاسىندا ورنالاسقان تۇرمىستىق زورلىق-زومبىلىق قۇرباندارىنا الەۋمەتتىك كومەك كورسەتۋ ورتالىعى جۇمىسىن باستادى. مۇندا شالعاي اۋىلداردان وتباسىلار كەلەدى. الماتى وبلىسىنىڭ تۇرعىنى اقجولتاي دۇيشەنقۇلقىزى بەس جىل بۇرىن شاڭىراق كوتەرىپ، ءۇش بالانى دۇنيەگە اكەلگەن. الايدا كۇيەۋى مەن دۇرىس قارىم-قاتىناسى بولمادى.
  - «كۇيەۋىم مەنى ۇيدەن شىعارمادى. مەن ءتىپتى سىرتقا شىعا المادىم، دەپرەسسياعا ءتۇستىم. ورتالىقتىڭ قىزمەتكەرلەرى ماعان كومەكتەسىپ، ەموتسيونالدىق جاعدايىم جاقساردى»، – دەيدى اقجولتاي.
ورتالىقتىڭ قامقورلىعىنداعىلار پسيحولوگيالىق كومەك پەن زاڭگەرلىك كەڭەستەردى تەگىن الادى. ولار مۇندا التى اي تۇرا الادى.
  - «ءبىز جۇمىسپەن قامتۋ بولىمىمەن تىعىز جۇمىس جاسايمىز. ءبىزدىڭ ايەلدەر ءۇش ايلىق كۋرستاردان وتە الادى، سودان كەيىن ءبىز ولارعا جۇمىسقا ورنالاسۋعا كومەكتەسەمىز. قاجەت بولسا، بالالارىن تاربيەشىلەرگە قالدىرىپ، جۇمىسقا كىرىسە الادى»، – دەيدى ورتالىق ديرەكتورى راۋشان الپىسباەۆا.
پسيحولوگتاردىڭ ايتۋىنشا، كوبىنە ادام توزگىسىز وتباسىلىق جاعداي سۋيتسيدكە سەبەپ بولادى. پوليتسەيلەر ايەلدەردى ۇندەمەي، سەنىم تەلەفونىنا حابارلاسۋعا شاقىرادى.
   - «سەبەپتەرى ءار ءتۇرلى: بىرەۋدە قىزعانىش، بىرەۋدە اراق ىشەتىن كۇيەۋى، بىرەۋ جۇمىس ىستەمەيدى. نەگىزىنەن – ماتەريالدىق قيىندىقتار، اقشا جوقتىلىعى، سونىڭ نەگىزىندە تۇرمىستىق زورلىق-زومبىلىق فاكتىلەرى بار. قاقتىعىستىڭ بارلىق فاكتىلەرى انىقتالدى. بولاشاقتا ءبىز بۇل جەرگە ايەلدى ورنالاستىرامىز جانە ونىڭ كۇيەۋىنە نەمەسە اعاسىنا قاتىستى اكىمشىلىك، نە قىلمىستىق سيپاتتا عىشارالار قولدانامىز. جالپى وتكەن جىلى وبلىستا تۇرمىستىق زورلىق-زومبىلىققا ۇشىراعان 80-نەن استام ايەل قۇقىق قورعاۋشىلارعا كومەك سۇراپ جۇگىنگەن. ولاردىڭ بارلىعى الماتىداعى داعدارىس ورتالىعىنا جىبەرىلدى»، - دەيدى وبلىستىق پوليتسيا دەپارتامەنتى جەرگىلىكتى پوليتسيا قىزمەتىنىڭ اعا ينسپەكتورى دينارا اياتبەكوۆا.
الماتى وبلىسىندا اشىلعان ورتالىق 50 ادامعا دەيىن قابىلداي الادى.
 
پىكىرلەر