Almaty oblysynda äielderge qatysty qylmystyŋ öskenı tırkeldı. Ötken jyly olardyŋ altauy «ashanadaǧy» töbeleskenderdıŋ qolynan qazatapty, dep habarlaidy Habar 24 .
Oblysta Qapşaǧai su qoimasynyŋ jaǧasynda ornalasqan Tūrmystyq zorlyq-zombylyq qūrbandaryna äleumettık kömek körsetu ortalyǧy jūmysyn bastady. Mūnda şalǧai auyldardan otbasylar keledı.
Almaty oblysynyŋ tūrǧyny Aqjoltai Düişenqūlqyzy bes jyl būryn şaŋyraq köterıp, üş balany düniege äkelgen. Alaida küieuı men dūrys qarym-qatynasy bolmady.
- «Küieuım menı üiden şyǧarmady. Men tıptı syrtqa şyǧa almadym, depressiiaǧa tüstım. Ortalyqtyŋ qyzmetkerlerı maǧan kömektesıp, emosionaldyq jaǧdaiym jaqsardy», – deidı Aqjoltai.Ortalyqtyŋ qamqorlyǧyndaǧylar psihologiialyq kömek pen zaŋgerlık keŋesterdı tegın alady. Olar mūnda alty ai tūra alady.
- «Bız jūmyspen qamtu bölımımen tyǧyz jūmys jasaimyz. Bızdıŋ äielder üş ailyq kurstardan öte alady, sodan keiın bız olarǧa jūmysqa ornalasuǧa kömektesemız. Qajet bolsa, balalaryn tärbieşılerge qaldyryp, jūmysqa kırıse alady», – deidı ortalyq direktory Rauşan Alpysbaeva.Psihologtardyŋ aituynşa, köbıne adam tözgısız otbasylyq jaǧdai suisidke sebep bolady. Poliseiler äielderdı ündemei, senım telefonyna habarlasuǧa şaqyrady.
- «Sebepterı är türlı: bıreude qyzǧanyş, bıreude araq ışetın küieuı, bıreu jūmys ıstemeidı. Negızınen – materialdyq qiyndyqtar, aqşa joqtylyǧy, sonyŋ negızınde tūrmystyq zorlyq-zombylyq faktılerı bar. Qaqtyǧystyŋ barlyq faktılerı anyqtaldy. Bolaşaqta bız būl jerge äieldı ornalastyramyz jäne onyŋ küieuıne nemese aǧasyna qatysty äkımşılık, ne qylmystyq sipatta ǧyşaralar qoldanamyz. Jalpy ötken jyly oblysta tūrmystyq zorlyq-zombylyqqa ūşyraǧan 80-nen astam äiel qūqyq qorǧauşylarǧa kömek sūrap jügıngen. Olardyŋ barlyǧy Almatydaǧy daǧdarys ortalyǧyna jıberıldı», - deidı oblystyq polisiia departamentı jergılıktı polisiia qyzmetınıŋ aǧa inspektory Dinara Aiatbekova.Almaty oblysynda aşylǧan ortalyq 50 adamǧa deiın qabyldai alady.
