قىزىلوردا وبلىسىندا جەرگىلىكتى ماڭىزى بار 3418,5 شاقىرىم جول بار. ونىڭ ىشىندە رەسپۋبليكالىق ماڭىزى بار جول 1014,5 شاقىرىمدى قۇرايدى. ال بۇگىندە قۇرىلىسى قارقىندى ءجۇرىپ جاتقان «قىزىلوردا-جەزقازعان» تاس جولى 204 شاقىرىم. تاس جول 2025 جىلى قولدانىسقا بەرىلەدى دەپ كۇتىلۋدە. بۇل تۋرالى وڭىرلىك كوممۋنيكاتسيالار قىزمەتىنىڭ ۇيىمداستىرۋىمەن وتكەن كوشپەلى بريفينگتە وبلىستىق جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى جانىبەك سىزدىقوۆ مالىمدەدى.
- بۇگىنگى تاڭدا ايماق باسشىسىنىڭ تىكەلەي قولداۋىمەن قايتا جوندەۋ جۇمىستارى قارقىندى جۇرۋدە. الداعى ۋاقىتتا بۇل رەسپۋبليكالىق ماڭىزى بار جول ءوڭىرىمىزدىڭ الەۋمەتتىك-ەكونوميكالىق دامۋىنا زور ۇلەس قوسادى،- دەدى جانىبەك شاكىمبايۇلى.
- قازىرگى تاڭدا رەسپۋبليكالىق ماڭىزى بار «قىزىلوردا-جەزقازعان» تاسجولىنىڭ 12-216 شاقىرىم اراسىندا قايتا جاڭارتۋ جۇمىستارى باستالدى. بۇگىندە اسفالت توسەۋ جۇمىستارى جۇرگىزىلۋدە. قايتا جوندەۋ جۇمىستارىن جەرگىلىكتى «قىران» جشس اتقارىپ جاتىر. تاس جولدىڭ 140 شاقىرىمىنا جوندەۋ جۇمىستارى ىسكە اسىرىلۋدا. سونداي-اق، سۋ سكۆاجيندەرى، اينالمالى جول جۇمىستارى جۇرگىزىلدى. سونىمەن قاتار، جولدىڭ بويىنان اسفالت زاۋىتى سالىنىپ جاتىر. جوندەۋ جۇمىستارى بارىسىندا قولدانىلىپ جاتىرعان قۇرىلىس زاتتارىنىڭ بارلىعى جاڭاقورعان اۋدانىنان تاسىمالدانادى،-دەدى «قازاۆتوجول» كومپناياسى وبلىستىق فيليالى ديرەكتورىنىڭ ورىنباسارى ەرسايىن مۇزاففار.
