جەڭىس كۇنى قارساڭىندا سوعىس ارداگەرلەرىنە 4,6 ملرد تەڭگە سوماسىنا بىرجولعى ماتەريالدىق كومەك كورسەتىلەدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى، دەپ حابارلايدى «ادىرنا» ءتىلشىسى.
باسقارما جىل سايىن بىرجولعى ماتەريالدىق كومەك تولەۋدىڭ داستۇرگە اينالعانىن اتاپ ءوتتى.
«جەڭىس كۇنى قارساڭىندا جەرگىلىكتى اتقارۋشى ورگاندار 4,6 ملرد تەڭگە سوماسىندا بىرجولعى كومەك كورسەتۋدى كوزدەپ وتىر. وبلىستاردىڭ، ەلوردا مەن رەسپۋبليكالىق ماڭىزى بار قالالاردىڭ اكىمدىكتەرىنە ۇوس قاتىسۋشىلارى مەن ۇوس كەزەڭىندە جارالانۋى، كونتۋزيا الۋى، مەرتىگۋى نەمەسە اۋرۋعا شالدىعۋى سالدارىنان بولعان مۇگەدەكتىگى بار ادامدار ءۇشىن ماتەريالدىق كومەكتىڭ ەڭ تومەنگى كەپىلدەندىرىلگەن شەگىن 1,5 ملن تەڭگەدەن كەم ەمەس مولشەرىندە بەلگىلەۋ ۇسىنىلدى. ناتيجەسىندە بارلىق وڭىردە ولار ءۇشىن اتالعان مولشەردە بىرجولعى ماتەريالدىق كومەك كوزدەلىپ وتىر (اقتوبە جانە پاۆلودار وبلىستارىندا – 2 ملن تەڭگە)»،—دەلىنگەن حابارلامادا.
ايتا كەتەيىك، قازىرگى تاڭدا ەلىمىزدە ۇلى وتان سوعىسىنىڭ 222 قاتىسۋشىسى جانە ۇوس كەزەڭىندە العان جارالانۋى، كونتۋزيا الۋى، مەرتىگۋى نەمەسە اۋرۋى سالدارىنان مۇگەدەكتىگى بار ادامدار، سونداي-اق ۇوس جەڭىسىنە ۇلەس قوسقان 60 106 باسقا دا ازامات تۇرادى.
2023 جىلعى 1 مامىرداعى جاعداي بويىنشا زەينەتاقىنى ەسكەرە وتىرىپ اي سايىن الىناتىن الەۋمەتتىك تولەمدەردىڭ ورتاشا جيىنتىق مولشەرى:
ۇوس قاتىسۋشىلارى ءۇشىن – 220 754 تەڭگە (161 ادام);
ۇوس كەزەڭىندە جاراقات الۋ، كونتۋزيا الۋ، مەرتىگۋ نەمەسە اۋرۋ سالدارىنان مۇگەدەكتىگى بار ادامدار ءۇشىن – 229 286 تەڭگە (61 ادام);
باسقا مەملەكەتتەردىڭ (اۋعانستان، ۆەتنام، الجير، مىسىر، يراك جانە ت. ب.) اۋماعىنداعى اسكەري ءىس-قيمىلدارىنىڭ ارداگەرلەرى ءۇشىن – 215 201 تەڭگە (25 752 ادام);
جەڭىلدىكتەر بويىنشا ۇوس قاتىسۋشىلارىنا تەڭەستىرىلگەن ادامدار ءۇشىن – 182 782 تەڭگە (3 648 ادام);
ۇوس كەزەڭىندە جاراقات الۋ، كونتۋزيا الۋ، مەرتىگۋ نەمەسە اۋرۋ سالدارىنان مۇگەدەكتىگى بار ادامدارعا جەڭىلدىكتەر بويىنشا تەڭەستىرىلگەن ادامدار ءۇشىن – 140 838 تەڭگە (14 424 ادام);
ۇوس جىلدارىنداعى تىل ەڭبەككەرلەرى ءۇشىن – 148 892 تەڭگە (57 436 ادام).
