الماتى ماڭىندا مارافونشى مارەگە بىرنەشە مەتر قالعاندا كوز جۇمدى

2489
Adyrna.kz Telegram
https://adyrna.kz/content/uploads/2023/05/izobrazhenie_2023-05-10_093111741.png
الماتى وبلىسىندا "Tengri Ultra 2023" مارافونىنىڭ قاتىسۋشىسى قايتىس بولدى. سپورتشى رۋسلان جولدىباەۆتىڭ مارەگە بىرنەشە مەتر قالعاندا جۇرەك تالماسى ۇستادى، دەپ حابارلايدى "ادىرنا" پورتالى Tengri Sport-قا سىلتەپ. مارافونشىنىڭ ولىمىنە الماتى وبلىسىنىڭ اكىمدىگى تۇسىنىكتەمە بەردى.
"Tengri ultra 2023 مارافونىندا 15 شاقىرىمدىق قاشىقتىقتى باعىندىرعان 1982 جىلى تۋعان ەر ادام مارە دوعاسىنا بىرنەشە مەتر قالعاندا تالىپ قالدى. كەزەكشى جەدەل جاردەم بريگاداسى دەرەۋ جانساقتاۋ جۇمىستارىن باستادى. بىراق، وكىنىشكە قاراي، ەر ادام قايتىس بولدى. جەلىدە ايتىلىپ جاتقان جەدەل جاردەم 10 مينۋتتان كەيىن كەلدى دەگەن اقپارات شىندىققا جاناسپايدى، ويتكەنى سپورتتىق شارا كەزىندە جەدەل جاردەم كولىگىنىڭ تاۋلىك بويى كەزەكشىلىگى قامتاماسىز ەتىلدى»، - دەپ حابارلادى اكىمدىكتىڭ ءباسپاسوز قىزمەتى.
مارقۇمنىڭ تۋىستارى مەن جاقىندارىنا قايعىرا، كوڭىل ايتامىز!

"ادىرنا" ۇلتتىق پورتالى

پىكىرلەر