الماتى قالاسى بوستاندىق اۋدانىنىڭ №2 اۋداندىق سوتىندا قاڭتاردا جاپپاي تارتىپسىزدىكتەرگە قاتىسىپ، پرەزيدەنت رەزيدەنتسياسى مەن اكىمدىككە شابۋىل جاساۋ فاكتىسى بويىنشا 5 ايىپتالۋشىعا قاتىستى ءىس قوزعالدى، دەپ حابارلايدى “ادىرنا” ۇلتتىق پورتالى Ulysmedia.kz-كە سىلتەمە جاساپ.
“سوتتالۋشىلاردىڭ كىنالارى الىنعان بەينەجازبالارمەن، كۋالاردىڭ جانە تۋىستارىنىڭ تانۋ تۋرالى حاتتامالارىمەن، جۇرگىزىلگەن سوت-مەديتسينالىق ساراپتامالارى جانە ۇيالى تەلەفون بولعان جەردىڭ مالىمەتتەرىمەن، جابىرلەنۋشىلەردىڭ الماتى قالاسى ۇكىمەتىنە جانە پرەزيدەنتتىڭ رەزيدەنتسياسىنا شابۋىل جاساعان جانە قارۋ قولدانعانى تۋرالى جاۋاپتارمەن راستالدى. اتالعان قىلمىستىق ءىس سوتپەن قاراستىرىلعان سەبەبى، ياعني تەرگەۋ بارىسىندا، سوتتالۋشىلاردىڭ زاڭدى وكىلدەرى قىلمىستىق ءىستى قر قپك-ءتىڭ 35-بابى 1-بولىگى 11-تارماعى بويىنشا قىسقارتۋعا قارسى بولعان”، – دەلىنگەن سوت حابارلاماسىندا.
مارقۇمداردىڭ بەسەۋى دە كىنالى دەپ تانىلدى، الايدا قازا تابۋلارىنا بايلانىستى قىلمىستىق جاۋاپكەرشىلىكتەن بوساتىلدى.
سوت ۇكىمى زاڭدى كۇشىنە ەنگەن جوق.