كەنيادا ءدىني ءراسىم قۇرباندارىنىڭ سانى 201 ادامعا جەتتى. ولار ورمان ىشىندە يسامەن كەزدەسەمىز دەپ اشتان ولۋدە. بۇل تۋرالى Reuters باسىلىمى جاريالادى، دەپ حابارلايدى “ادىرنا” ۇلتتىق پورتالى.
ايماق بيلىگىنىڭ حابارلاۋىنشا، شاكاحول ورمانىنان حالىقارالىق "قايىرلى حابار" شىركەۋىنىڭ ءىزباسارلارىنىڭ تاعى 22 ءمايىتى شىعارىلدى. بۇل قايعىلى وقيعادان قازا تاپقانداردىڭ جالپى سانىن 201-گە جەتتى.
قازىر كەنيانىڭ بارلاۋ اگەنتتىكتەرى ورماننىڭ قالدىقتارى مەن ىقتيمال ءتىرى قالعاندارى ءۇشىن زەرتتەۋدى جالعاستىرۋدا. سونىمەن بىرگە جۇزدەگەن ادام ءىز-ءتۇزسىز جوعالعاندار قاتارىندا.
ەسكە سالايىق، بۇعان دەيىن كەنيادا “ىزگى حابار” سەكتاسى تۇرعىنداردىڭ ميىن ۋلاپ تاستاعان. سالدارىنان ولار ورمان ىشىندە يسامەن كەزدەسەمىز دەپ اشتان ءولىپ جاتىر. ال ولاردىڭ ميىن ۋلاپ تاستاعان پول ماكەنزي نتەنگە بۇعان دەيىن دە بىرنەشە مارتە ءدىني ەكسترەميزمگە قاتىسى بار دەگەن كۇدىكپەن ايىپتالعان.
