زەلەنسكي ريم پاپاسىنان كومەك سۇرادى

2639
Adyrna.kz Telegram
https://adyrna.kz/content/uploads/2023/05/de4a4037-a2d5-47ca-90fe-850804876acb.jpeg
ۋكراينا پرەزيدەنتى ريم پاپاسىنان بەيبىتشىلىك فورمۋلاسىن جاساۋعا جانە ۋكراين بالالارىن ەلگە قايتارۋعا كومەكتەسۋدى سۇرادى. بۇل تۋرالى ۋكراينا پرەزيدەنتىنىڭ ءباسپاسوز قىزمەتى ايتتى، دەپ حابارلايدى “ادىرنا” ۇلتتىق پورتالى. 
ۆلاديمير زەلەنسكي يتالياعا رەسمي ساپارمەن بارىپ، ۆاتيكاندا ريم پاپاسىمەن كەزدەستى. كەلىسسوزدەردىڭ نەگىزگى بولىگى سوعىسقا ارنالدى، زەلەنسكي ۋكرايندىق بەيبىتشىلىك فورمۋلاسىن ۇسىندى.
«ءادىل بەيبىتشىلىككە قول جەتكىزۋدىڭ ناقتى جانە انىق الگوريتمى ۋكراينانىڭ بەيبىتشىلىك فورمۋلاسىندا كورسەتىلگەن. سوعىس ۋكراينا اۋماعىندا بولعاندىقتان، بەيبىتشىلىك جوسپارى تەك ۋكرايندىق بولادى»، – دەدى ۆلاديمير زەلەنسكي.
ول ريم پاپاسى فرانتسيسكتەن فورمۋلانى جۇزەگە اسىرۋعا كومەكتەسۋىن ءوتىندى. اتاپ ايتقاندا، ازىق-تۇلىك قاۋىپسىزدىگىن قامتاماسىز ەتۋ، تۇتقىنداردى، جەر اۋدارىلعانداردى بوساتۋ جانە ادىلەتتىلىكتى قالپىنا كەلتىرۋ ماسەلەلەرى بويىنشا. ۆلاديمير زەلەنسكي ريم پاپاسى رەسەيدىڭ ۋكرايناعا قارسى اسكەري اگرەسسياسىن انىق ايىپتاۋعا شاقىرىپ، قۇرباندار مەن اگرەسسور اراسىندا تەڭدىك بولۋى مۇمكىن ەمەستىگىن باسا ايتتى. ۋكراينا بالالارىن ۇرلاپ، رەسەيگە دەپورتاتسيالاۋ تۋرالى بولەك تاقىرىپ قوزعالدى. زەلەنسكي ۆاتيكاننان بالالاردى ۇيلەرىنە قايتارۋعا كومەكتەسۋىن سۇرادى. ول سونداي-اق ريم پاپاسىن سولداتتار مەن ەل تۇرعىندارىن قولداۋ ءۇشىن دۇعا جاساۋعا  ۋكرايناعا شاقىردى.
پىكىرلەر