ءماجىلىس الاڭىندا ۇقك توراعاسىنىڭ ورىنباسارى مارات كالقاباەۆ باسقارمانىڭ ەكس-باسشىسى كارىم ءماسىموۆتىڭ قاڭتار وقيعاسىنا نەلىكتەن قاتىسى بار ەكەنىن ايتتى، دەپ حابارلايدى "ادىرنا" ۇلتتىق پورتالى.
باق وكىلدەرى ەسكە سالعانداي، وسىعان دەيىن باس پروكۋرور بەرىك اسىلوۆ ۇقك-ءنىڭ بۇرىنعى توراعاسى كارىم ءماسىموۆ پەن ونىڭ ەكس-ورىنباسارى ءانۋار سادىقۇلوۆ ۇقك دەپارتامەنتتەرىنىڭ عيماراتتارىن تاستاپ كەتۋ تۋرالى بۇيرىق بەرگەنىن ايتقان.
«ءسىزدىڭ سۇراعىڭىزدى ءتۇسىندىم، تەرگەۋ بارىسىندا ءبارى بەلگىلى بولدى، ارينە، مەن كوپ نارسە ايتا المايمىن، بىراق مەن ەشقانداي بۇيرىق بولماعانىن، جاي عانا شەشىم قابىلداماعانىن ايتا الامىن»، - دەپ جاۋاپ بەردى مارات كالقاباەۆ.
ونداي بۇيرىق بولعان جوق پا، دەگەن جۋرناليستەردىڭ ناقتىلاۋ ساۋالىنا ول بىلاي دەپ جاۋاپ بەردى.
«جوق. بىراق مەن مىنانى عانا ايتا الامىن، مەن سىزگە كوپ نارسە ايتتىم. مەن بۇل تۋرالى پىكىر ايتا المايمىن. قالاي ايتامىن، ءبىرىنشى باسشى ءوزى قابىلداۋى ءتيىس شەشىمدەردى قابىلداماعان. بار بولعانى، سول سەبەپتى جاۋاپقا تارتىلىپ جاتىر».
ەسكە سالايىق، 24 ساۋىردە سوت ءماسىموۆتى مەملەكەتكە وپاسىزدىق جاسادى، بيلىكتى باسىپ الۋعا ۇگىت-ناسيحات جۇرگىزدى جانە بيلىكتى اسىرا پايدالاندى دەپ ايىپتى دەپ تانىدى. ونىڭ مۇلكى تاركىلەنىپ، ءومىر بويىنا مەملەكەتتىك قىزمەتتە لاۋازىمداردى اتقارۋ قۇقىعىنان ايىرۋمەن 18 جىلعا باس بوستاندىعىنان ايىرىلدى.
"ادىرنا" ۇلتتىق پورتالى
