NIS وقۋشىسى اۆتورلىق قۇقىققا يە بولدى

6924
Adyrna.kz Telegram

تالدىقورعان قالاسىنداعى نازارباەۆ زياتكەرلىك مەكتەبىنىڭ 10-سىنىپ وقۋشىسى اليحان قاجىعۇمار زياتكەرلىك مەنشىك اۆتورلىق قۇقىعىنىڭ يەسى اتاندى.

اليحان «قاپال-اراسان» رادونىن جانە ونىڭ ادام دەنساۋلىعىنا اسەرىن زەرتتەدى.

170 جىلدىق تاريحى بار قازاقستاننىڭ ەڭ كونە شيپاجايى «قاپال-اراسان» قاشاندا شيپالى مينەرالدى سۋ كوزدەرىمەن تانىمال. الايدا بۇگىندە شيپاجايدىڭ جۇمىسى قۇلدىراۋعا ۇشىرادى.

 «قاپال-اراساننىڭ» نەگىزگى ەمدىك فاكتورلارى بۇل از رودوندى جانە تومەن تەرميالىق بۇلاقتار بولىپ تابىلادى. مەن بىرقاتار زەرتحانالىق زەرتتەۋلەر جۇرگىزدىم جانە ادام اعزاسىنىڭ قالىپتى جۇمىس ىستەۋى ءۇشىن قاجەت، ونىڭ قورعانىس رەاكتسيالارىن ىنتالاندىراتىن رادون ەكەنىن انىقتادىم. رادون ەلەمەنتى ادامنىڭ ءومىر جاسىن ۇزارتادى، ءتۇرلى اۋرۋلارعا قارسى تۇرۋعا ىقتيمال»، - دەيدى سۇحباتىندا جاس زەرتتەۋشى اليحان.

اليحاننىڭ ايتۋىنشا، تاۋ ەتەگىندەگى كليمات پەن سولتۇستىك جەتىسۋدىڭ تاماشا تابيعاتىمەن ەرەكشە مينەرالدى بۇلاق قاسيەتىن بىرىكتىرەتىن بۇل اسەم دەمالىس ورنى قايتا قالپىنا كەلتىرىلۋى كەرەك.

بارلىق كورسەتكىشتەرى بويىنشا: تەمپەراتۋرالىق جانە حيميالىق، «قاپال-اراسان» بۇلاقتارى گرۋزياداعى ايگىلى تسحالتۋبو بۇلاقتارىنا ۇقساس.

جوبا جۇمىسىنىڭ جەتەكشىسى – تالدىقورعان قالاسىنداعى نازارباەۆ زياتكەرلىك مەكتەبىنىڭ قازاق ءتىلى مەن ادەبيەتى ءپانىنىڭ مۇعالىمى ءلاززات كۋشەروۆا. بۇل عىلىمي جوبا اۆتورلىق كۋالىك الىپ قانا قويماي، «دارىن» مەكتەپىشىلىك عىلىمي جوبالار بايقاۋىندا جۇلدەلى ورىنعا يە بولعانىن ايتا كەتكەن ءجون.

پىكىرلەر