Taldyqorǵan qalasyndaǵy Nazarbaev Zııatkerlik mektebiniń 10-synyp oqýshysy Alıhan Qajyǵumar zııatkerlik menshik avtorlyq quqyǵynyń ıesi atandy.
Alıhan «Qapal-Arasan» radonyn jáne onyń adam densaýlyǵyna áserin zerttedi.
170 jyldyq tarıhy bar Qazaqstannyń eń kóne shıpajaıy «Qapal-Arasan» qashanda shıpaly mıneraldy sý kózderimen tanymal. Alaıda búginde shıpajaıdyń jumysy quldyraýǵa ushyrady.
«Qapal-Arasannyń» negizgi emdik faktorlary bul az rodondy jáne tómen termııalyq bulaqtar bolyp tabylady. Men birqatar zerthanalyq zertteýler júrgizdim jáne adam aǵzasynyń qalypty jumys isteýi úshin qajet, onyń qorǵanys reakııalaryn yntalandyratyn radon ekenin anyqtadym. Radon elementi adamnyń ómir jasyn uzartady, túrli aýrýlarǵa qarsy turýǵa yqtımal», - deıdi suhbatynda jas zertteýshi Alıhan.
Alıhannyń aıtýynsha, taý etegindegi klımat pen soltústik Jetisýdyń tamasha tabıǵatymen erekshe mıneraldy bulaq qasıetin biriktiretin bul ásem demalys orny qaıta qalpyna keltirilýi kerek.
Barlyq kórsetkishteri boıynsha: temperatýralyq jáne hımııalyq, «Qapal-Arasan» bulaqtary Grýzııadaǵy áıgili haltýbo bulaqtaryna uqsas.
Joba jumysynyń jetekshisi – Taldyqorǵan qalasyndaǵy Nazarbaev Zııatkerlik mektebiniń qazaq tili men ádebıeti pániniń muǵalimi Lázzat Kýsherova. Bul ǵylymı joba avtorlyq kýálik alyp qana qoımaı, «Daryn» mektepishilik ǵylymı jobalar baıqaýynda júldeli orynǵa ıe bolǵanyn aıta ketken jón.
