اقتاۋداعى نازارباەۆ زياتكەرلىك مەكتەبىنىڭ وكىلدەرى ءازىربايجان رەسپۋبليكاسىندا وتكەن OCEP (Olympic Culture and Education Program) باعدارلاماسىنا قازاق مادەنيەتىن تانىستىرۋشى دەلەگاتسيا رەتىندە قاتىستى.
وقۋشىلارمەن ۇستازداردان قۇرالعان ءبىر توپ دەلەگاتسيا OCEP (Olympic Culture and Education Program) باعدارلاماسى اياسىندا باكۋدەگى سەرىكتەس مەكتەپ اعايىندى نوۆرۋزوۆتار اتىنداعى №36 مەكتەپ ۇيىمداستىرعان مەرەكەلىك شاراعا قاتىستى.
مەرەكەلىك شاراعا ءازىربايجان رەسپۋبليكاسىنىڭ مينيسترلىگى، سونداي اق قازاقستان رەسپۋبليكاسىنىڭ ءازىربايجان رەسپۋبليكاسىنداعى ەلشىلىگى وكىلدەرى قاتىستى.
قازاق مادەنيەتىن تانىستىرۋشى دەلەگاتسيا رەتىندە شاراعا قاتىسقان NIS ونەرپازدارى جوعارعى دەڭگەيدە ونەر كورسەتىپ، كورەرمەننىڭ ەرەكشە ىقىلاسىنا بولەندى. وسىلايشا NIS ەكى ەلدىڭ دوستىعىن جالعاعان التىن كوپىرگە اينالدى.
- ازىربايجانعا ساپارىمىزدىڭ العاشقى كۇنىندە OCEP باعدارلاماسىنىڭ ۇيىمداستىرۋشىلارىمەن قاتار ازىربايجاندىق سەرىكتەس مەكتەپ وكىلدەرى ءبىزدى كەرەمەت كوڭىل كۇيمەن قارسى الىپ، باكۋدىڭ تاماشا تاريحي، مادەني كورىكتى جەرلەرىنە ەكسكۋرسيا ۇيىمداستىردى. بۇگىندە قازاقستاننىڭ مادەنيەتىن تانىستىرۋشى دەلەگاتسيانىڭ ازىربايجانعا كەلۋدەگى باستى ماقساتى ءساتتى ورىندالدى. ونەرپازدار كورەرمەن قوشەمەتىنە بولەنىپ، ازىربايجاندىقتار داستۇرىمىزبەن، مادەنيەتىمىزگە ۇلكەن قۇرمەت كورسەتتى. بۇل ساپارىمىز ەكى ەل اراسىندا دوستىق پەن ىنتىماقتاستىقتى نىعايتۋ ىسىنە ەلەۋلى ۇلەس قوسادى دەپ ۇمىتتەنەمىز،- دەيدى نازارباەۆ زياتكەرلىك مەكتەبى ديرەكتورىنىڭ عىلىمي-ادىستەمەلىك جۇمىس جونىندەگى ورىنباسارى لاۋرا بايتوقاەۆا
ەكى مەملەكەت اراسىندا كوپىر بولعان اقتاۋداعى نازارباەۆ زياتكەرلىك مەكتەبىمەن اعايىندى نوۆرۋزوۆتار اتىنداعى №36 مەكتەپپەن بىرلەسە وتكىزگەن مادەني الماسۋ شاراسى جوعارعى دەڭگەيدى ءوتتى.
شارادا حالىقارالىق بايقاۋلاردىڭ جەڭىمپازدارى «شۇعىلا» بي ءانسامبلى، «قوس پەرنە» دومبىراشىلار ءانسامبلى ونەر كورسەتتى.
