بايداركا مەن كانوەدە ەسكەك ەسۋدەن قازاقستان چەمپيوناتى الماتى ماڭىنداعى پەرۆومايسكي توعاندارىندا جوعارى دەڭگەيدە ءوتتى.
رەسپۋبليكالىق چەمپيوناتتا سپورت كوميتەتىنىڭ قاتارداعى جاۋىنگەرلەرى – قورعانىس مينيسترلىگىنىڭ ورتالىق سپورت كلۋبى جاقانعىر جامەدوۆ پەن كيريلل تۋباەۆ ءساتتى ونەر كورسەتتى.
چەمپيوناتقا ءارتۇرلى جاس ساناتتارىنىڭ وكىلدەرى قاتىستى. ەلىمىزدىڭ ون وبلىسىنان بارلىعى 150-دەن استام ادام وسى سايىسقا قاتىستى.
جارىس بەس ءجۇز، مىڭ جانە بەس مىڭ مەتر قاشىقتىقتاعى توعىز سۋ جولىندا ءوتتى. ەسكەكشىلەر كوماندالىق جانە جەكە ەسەپتە باق سىناستى.
ارميا سپورتشىسى كيريلل تۋباەۆ جارىستىڭ ءۇش تۇرىنەن چەمپيون اتاندى: ك-1 (1000 م), ك-2 (1000 م) جانە ك-1 (5000 م). 500 مەترگە ءتورت جانە ەكى ادامنان تۇراتىن كوماندالىق جارىستا ول كۇمىس مەدالعا يە بولدى.
"مەن ون ەكى جىلدان بەرى ەسكەك ەسۋمەن اينالىسامىن. العاش رەت بايداركامەن جۇزۋگە تالپىنعانىمدى، وتە قيىن بولدى، ويىمداعىداي جۇزەگە اسپادى. بىراق مەن ەڭسەمدى تومەن تۇسىرمەدىم، جاتتىعۋدى جالعاستىرا بەردىم. نەگىزگى جاتتىعۋلاردان باسقا، كۇن سايىن قوسىمشا جاتتىعۋلاردى جاساپ تۇرۋدى ادەتكە اينالدىردىم. مىنە، ناتيجەسىندە رەسپۋبليكالىق جارىستاردىڭ جەڭىمپازى اتاندىم. مەن وليمپياداعا دايىندالدىم. قاجەتتى جاعداي جاساعان جاتتىقتىرۋشىلارىما ەرەكشە العىس ايتامىن", - دەدى بايداركا مەن كانوە ەسۋدەن ەل چەمپيوناتىنىڭ جەڭىمپازى كيريلل تۋباەۆ.
قارۋلى كۇشتەردىڭ سپورتتىق جەتىستىكتەرىنىڭ قورجىنىنا جاحانگير جامەدوۆ تسسك قاتارداعى مەرزىمدى قىزمەتكەرى دە ءوز ۇلەسىن قوستى. ول ك-2 (1000 م) قاشىقتىقتا ەكى ادامنان تۇراتىن بايداركادا قول جۇلدەنى يەلەندى.
