بۇگىن الماتىدا قوعام بەلسەندىلەرى، دەپۋتاتتار جانە بۇقارالىق اقپارات قۇرالدارىنىڭ وكىلدەرى باس قوسىپ، ەرەكشە بالالارعا قولداۋ ءبىلدىردى. جينالعاندار مۇمكىندىگى شەكتەۋلى جەتكىنشەكتەرمەن ءتۇرلى سپورتتىق ويىندار ويناپ، ولاردىڭ قوعامعا بەيىمدەلۋىنە ۇلەس قوستى. ءىس-شارانى ««Samruk-Kazyna Trust» الەۋمەتتىك جوبالاردى دامىتۋ قورى ۇيىمداستىردى.
اتالمىش قور ۇزاق جىلدار بويى ەرەكشە كۇتىمدى قاجەت ەتەتىن بالالاردى وڭالتۋ ءۇشىن بىرقاتار باعدارلامانى جۇزەگە اسىرىپ كەلەدى. ماسەلەن، 2018 جىلى ىسكە قوسىلعان «سالاماتتى بولاشاق» جوباسى اياسىندا ەلىمىزدىڭ 21 قالاسىندا ينكليۋزيۆتى جانە بەيىمدەلگەن سپورت سەكتسيالارىنىڭ جەلىسى اشىلعان. قازىر ونداعى ۇيىرمەلەرگە مىڭنان استام تاربيەلەنۋشى تەگىن قاتىسىپ جاتىر. بۇدان بولەك، قوردىڭ «جەتىمى جوق قازاقستان»، «ءاۋتيزمدى جەڭەمىز» اتتى باعدارلامالارى ناتيجەلى جۇمىسىن كورسەتتى.
– 43 جوبانى جۇزەگە اسىرا وتىرىپ، 500 مىڭ ادامعا كومەكتەستىك. ونىڭ ىشىندە 95 مىڭى – اۋىل تۇرعىنى، سونداي-اق 55 مىڭ بالا دا بار. ال 625 ادامدى جوبالار ارقىلى جۇمىسپەن قامتي الدىق، – دەدى «Samruk-Kazyna Trust» الەۋمەتتىك قورىنىڭ باس ديرەكتورى ءالفيا اديەۆا.
