Búgin Almatyda qoǵam belsendileri, depýtattar jáne buqaralyq aqparat quraldarynyń ókilderi bas qosyp, erekshe balalarǵa qoldaý bildirdi. Jınalǵandar múmkindigi shekteýli jetkinshektermen túrli sporttyq oıyndar oınap, olardyń qoǵamǵa beıimdelýine úles qosty. Is-sharany ««Samruk-Kazyna Trust» áleýmettik jobalardy damytý qory uıymdastyrdy.
Atalmysh qor uzaq jyldar boıy erekshe kútimdi qajet etetin balalardy ońaltý úshin birqatar baǵdarlamany júzege asyryp keledi. Máselen, 2018 jyly iske qosylǵan «Salamatty bolashaq» jobasy aıasynda elimizdiń 21 qalasynda ınklıýzıvti jáne beıimdelgen sport sekııalarynyń jelisi ashylǵan. Qazir ondaǵy úıirmelerge myńnan astam tárbıelenýshi tegin qatysyp jatyr. Budan bólek, qordyń «Jetimi joq Qazaqstan», «Aýtızmdi jeńemiz» atty baǵdarlamalary nátıjeli jumysyn kórsetti.
– 43 jobany júzege asyra otyryp, 500 myń adamǵa kómektestik. Onyń ishinde 95 myńy – aýyl turǵyny, sondaı-aq 55 myń bala da bar. Al 625 adamdy jobalar arqyly jumyspen qamtı aldyq, – dedi «Samruk-Kazyna Trust» áleýmettik qorynyń bas dırektory Álfııa Ádıeva.
