Ǧalym - Baum toǧaiyndaǧy aǧaştardy kesu 2021 jylǧy sanitarlyq jospar boiynşa jürude

«Botanika jäne fitointroduksiia instituty» RMK aǧa ǧylymi qyzmetkerı Svetlana Nabieva Baum toǧaiynda jürgızılgen ǧylymi zertteulerdıŋ qorytyndylary turaly aityp berdı. 2021 jyldyŋ mamyr-qazan ailary aralyǧynda Botanika jäne fitointroduksiia institutynyŋ qyzmetkerlerı 20 ekspedisiialyq sapar jasady, onyŋ barysynda «Baum toǧaiy» memlekettık tabiǧi parkınıŋ aumaǧy zertteldı. Joǧary satydaǧy ösımdıkterden basqa baldyrlardyŋ 46 türı, ziiankesterdıŋ 15 türı (emende, qaraǧaşta, terekte örmekşı kenelerdıŋ, taldyŋ boiynda ziiandy jändıkterdıŋ, jäne t.b. bar ekenı anyqtaldy), sondai-aq aǧaştarǧa ziian keltıretınderdıŋ 60 türı, olardyŋ köpşılıgı patogendı jäne parazittık bolyp tabylady, aurulardy tudyrady jäne saiyp kelgende aǧaştar joiady. Eŋ qauıptı ziiankester älsız ösımdıkterge qonyp, emen men üieŋkını, terektı, örıktı bırtındep şırıtedı. «Baum toǧaiyndaǧy jaramsyz aǧaştardyŋ arasynda yqtimal qauıptı aǧaştar bar – olar jeldıŋ äserınen kez kelgen uaqytta qūlap ketuı mümkın. Auruǧa ūşyraǧan aǧaştar şıridı ärı keuıp ketedı. Şektı jasyna jetken aǧaştar da apatty bolady. Baum toǧaiy tırı organizm ıspettı, oeyŋ da jetıluı, qartaiu kezeŋı bolatynyn atap ötkım keledı. Eger ötken ǧasyrdyŋ sonau 60-70 jyldarynda otyrǧyzylǧan qaraǧaştar, kümıs üieŋkıler, basqa da aǧaş türlerı qazırgı kezde şektı jastaryna jettı. Tıptı olar bırtındep jaramsyz boluda», - dep tüsındırdı Svetlana Nabieva. Sözınıŋ soŋyn qorytyndylaǧan sarapşy Baum toǧaiyn saqtau mäselesıne ūlttyq saiabaqtar men qoryqtardaǧy tabiǧatty qorǧau tūrǧysynan qarauǧa bolmaitynyn atap öttı. Öitkenı, toǧai eŋ aldymen qalalyq infraqūrylym obektısı, demek ol ünemı nazar audarudy, kütımdı jäne damudy qajet etedı.