2025 jyly 15 jeltoqsanda Almaty qalasynda Qazaqstan Respublikasy Täuelsızdık künıne orai Medeu audanynda bırden ekı bılım beru mekemesı tehnikalyq tūrǧydan aşyldy. №195 jaŋa balabaqşa jäne qaita jaŋǧyrtudan ötken №99 jalpy bılım beretın mektep oqu-tärbie üderısın bastauǧa tolyq daiyn.
№195 balabaqşanyŋ aumaǧy tolyq abattandyrylǧan: ǧimarattyŋ ainalasyna asfalt töselıp, qaraǧai, şeten, mamyrgül, üşqat, kümıs jide, kögal şöbı otyrǧyzylǧan, yrǧaidan jasalǧan būtaly qorşau bar. Balalar üşın rezeŋke jabyndysy bar jaily besedkalar, şaǧyn säulettık nysanlary bar oiyn alaŋdary salynǧan.
Aumaǧy 1 950 şarşy metr bolatyn ekı qabatty balabaqşa 2 jastan 6 jasqa deiıngı balalardy mektepke deiıngı tärbiemen qamtuǧa arnalǧan, syiymdylyǧy – 140 oryn, oqytu tılı – qazaq tılı.
Ekı qabatta ärtürlı jas toptaryna arnalǧan toptyq bölımder ornalasqan. Är toptyŋ janynda kiım şeşetın bölme, jatyn bölme, bufet jäne sanitarlyq torap qarastyrylǧan. Qosymşa sabaqtar muzykalyq zalda ötkızıledı.
Erekşe bılım beru qajettılıgı bar balalar üşın negızgı kıreberıste pandustar ornatylǧan, arnaiy tūtqalarmen jabdyqtalǧan sanitarlyq torap bar. Balalardyŋ jürıp-tūru aimaqtary taktildı jolaqtarmen, al qozǧalys baǧyttary arnaiy qūraldarmen jabdyqtalǧan.
Balabaqşada psiholog, logoped kabinetterı jäne ädıstemelık kabinet bar. As blogy jükteu aimaǧy men as kötergışı bar jeke kıreberıspen qamtamasyz etılgen. Sondai-aq medisinalyq blokta tambur, qabyldau bölmesı, därıger kabinetı, emşara, fizioterapiia kabinetı jäne sanitarlyq torap ornalasqan.
Osy künı 1963 jyly salynǧan №99 mekteptıŋ de tehnikalyq aşyluy öttı. Atalǧan bılım ordasynda soŋǧy kürdelı jöndeu 20 jyl būryn jürgızılgen. Ötken jyly auqymdy qaita jaŋǧyrtu jäne bastauyş synyp oquşylaryna arnalǧan, 250 balaǧa eseptelgen 3 qabatty qosymşa ǧimarat salu turaly şeşım qabyldanǧan.
Qazırgı uaqytta mektep aumaǧy tolyq abattandyrylyp, boz arşa men qaiyŋ köşetterı otyrǧyzylǧan. Oquşylar üşın sport stadiony salynǧan.
Mektep ǧimaraty 520 orynǧa eseptelgen. Qosymşa sabaqtar muzykalyq aspaptarmen tolyq jabdyqtalǧan muzyka kabinetınde ötedı. Onda dombyra, dauylpaz, asataiaq, tūiaqtas, şaŋqobyz, pianino, baian, kastanet, ksilofon, marakas syndy aspaptar bar.
Mektepte himiia, fizika, biologiia kabinetterı, sport zaly, körkem eŋbek kabinetı (ūldar men qyzdarǧa arnalǧan) jäne 100 oryndyq akt zaly jūmys ısteidı.
Balalardyŋ qauıpsızdıgıne de erekşe köŋıl bölıngen: ört qauıpsızdıgı jüiesı engızılıp, arnaiy habarlau datchikterı ornatylǧan, ǧimaratta seismikalyq küşeitu jūmystary jürgızılgen. Jertöle bölıgınde su ölşeu jäne jylu toraptary, jeldetu kamerasy men elektr qalqany ornalasqan.
