Almatyda 2025 jyly erekşe qajettılıgı bar azamattarǧa arnalǧan mädeni bastamalardyŋ sany aitarlyqtai artty. Būl turaly qalalyq Mädeniet basqarmasy mälımdedı.
«Alatau» dästürlı öner teatry janyndaǧy köru jäne estu qabıletı būzylǧan azamattardyŋ mädeni demalysyn ūiymdastyru bölımı şyǧarmaşylyq belsendılıktı qoldauǧa jäne qala tūrǧyndarynyŋ mädeni ömırge qatysuyn keŋeituge baǧyttalǧan 132 ıs-şara ötkızdı.
Bölım janynda bırneşe şyǧarmaşylyq ūjym jūmysyn jalǧastyruda: «Atamūra» halyq aspaptar ansamblı, «Armandastar», «Än-jürek» jäne «Dos» vokaldy-aspapty ansamblderı. Jyl boiy olar «Aq qaiyŋ», «Sputnik», «Köktem» şipajailarynda jäne Ūly Otan soǧysynyŋ ardagerlerıne arnalǧan Respublikalyq gospitalde konsertter qoidy.
Zaǧip jandarǧa arnalǧan mädeniet üiınde Qadır Myrzalievtıŋ 90 jyldyǧyna, Mūqaǧali Maqataevtyŋ tuǧan künıne, Eskendır Hasanǧalievtıŋ 85 jyldyǧyna jäne Nūrǧisa Tılendievtıŋ 100 jyldyǧyna arnalǧan mereitoilyq jäne aǧartuşylyq ıs-şaralar öttı. Sondai-aq Arnūr Älımhanovty eske alu keşı ūiymdastyryldy.
22 qazanda köru qabıletı būzylǧan duetter arasynda ötken «Ekı jūldyz» II halyqaralyq än festivalı öttı. Oǧan Qazaqstan, Qyrǧyzstan jäne Özbekstannan kelgen 10 duet qatysty.
Jyl boiy konsertter, baiqaular, kinokörsetılımder, şeber sabaqtary ūiymdastyrylyp, türlı üiırmeler men şyǧarmaşylyq studiialar jūmys ıstedı. Korreksiialyq mektep oquşylaryn qalalyq, respublikalyq jäne halyqaralyq baiqaularǧa daiyndau jürgızıldı. Sonymen qatar ym tılı jäne aǧylşyn tılı kurstary qoljetımdı boldy.
Maŋyzdy oqiǧalardyŋ bırı – qala künı men Jeŋıstıŋ 80 jyldyǧyna arnalǧan «Jeŋıs valsı» X respublikalyq bi festivalı boldy. Festival elımızdıŋ toǧyz öŋırınen kelgen bi ūjymdaryn bırıktırıp, Şäkırtterdıŋ İnnovasiialyq şyǧarmaşylyq ortalyǧynda öttı.
Almatylyq qatysuşylar halyqaralyq deŋgeide de tabysqa jettı. Minsk qalasynda ötken estu qabıletı būzylǧan ardagerlerdıŋ öner festivalınde Älım Meŋdıbaev bas jülde ielendı. Özbekstandaǧy Aziia chempionatynda N.A. Jukovskaia ekı bırınşı oryndy jeŋıp aldy. Al doiby-64 boiynşa Älem kubogınde Ä.J. Meŋdıbaev rapidte jeŋımpaz atanyp, klassikalyq baǧdarlamada üşınşı orynǧa ie boldy.
Almatyda inkliuzivtı baǧdarlamalardy damytu jūmystary jalǧasuda. Basty maqsat – erekşe qajettılıgı bar azamattardyŋ qalanyŋ mädeni ömırıne keŋınen qatysu mümkındıgın arttyru.
