قر ءماجىلىسىنىڭ دەپۋتاتى امانتاي جارقىنبەك ەرتىس وزەنىنىڭ جايىن ايتىپ، ۇكىمەت تاراپىنان مارتىمدى جۇمىس اتقارىلماعانىن سىنعا الدى. وزەننىڭ كوكتەمگى تاسۋ دەڭگەيى بيىلدىققا تومەن بولعان. دەپۋتاتتىڭ ايتۋىنشا، مۇنىڭ سالدارىنان مىڭداعان تۇرعىن كۇزدە جەم-ءشوپسىز قالۋى مۇمكىن، دەپ حابارلايدى "ادىرنا" ۇلتتىق پورتالى.
قر ءماجىلىسىنىڭ دەپۋتاتى امانتاي جارقىنبەك كوكتەمگە ەرتىس وزەنىنىڭ ارىنى باسىلىپ، ارناسىنان اسپاي قالعانىن ايتتى. سالدارىنان سولتۇستىك ءوڭىر تۇرعىندارى جەم-ءشوپسىز قالۋى مۇمكىن.
- ەلىمىزدەگى ەڭ ءىرى سۋ جايىلما اۋماعى سانالاتىن ەرتىس وزەنىنىڭ پاۆلودار وبلىسى ايماعىندا كوكتەمگى وزەننىڭ تاسۋ دەڭگەيى بيىل وتە تومەن بولدى.
مۇنىڭ سالدارىنان مىڭداعان تۇرعىن كۇزدە جەم-ءشوپسىز قالۋى مۇمكىن.بىزگە الاڭداپ قوڭىراۋ شالعان تۇرعىندار كوپ. ءساۋىر ايىنىڭ اياعىندا ەكولوگيا مينيسترلىگىنە جەدەل شەشىم قابىلداۋىن سۇراپ بىرنەشە پاۆلودارلىق دەپۋتاتتارمەن بىرگە حات جولداعان ەدىك. بىراق ماردىمدى جاۋاپ پەن شەشىم بولمادى.
سوندىقتان بۇگىن ۇكىمەتكە جانە ەلىمىزدىڭ باس پروكۋرورىنا وسى سالاعا تەكسەرىس ۇيىمداستىرۋىن سۇراپ دەپۋتاتتىق ساۋال جولدادىق.نەگىزى ماقسات - كەلەر جىلى مۇنداي جاۋاپسىزدىقتىڭ قايتالانباۋىن قاداعالاۋ! - دەدى دەپۋتات.
"ادىرنا" ۇلتتىق پورتالى
