« مەملەكەتتىك كۇزەت قىزمەتى تۋرالى ەرەجەنى بەكىتۋ تۋرالى» پرەزيدەنت جارلىعىنا وزگەرىس ەنگىزىلمەك. بۇل تۋرالى اشىق نقا پورتالىندا جاريالانعان، دەپ حابارلايدى ”ادىرنا” ۇلتتىق پورتالى.
جارلىقتا ەندى مەملەكەتتىك كۇزەت قىزمەتىنىڭ (مكق) باستى فۋنكتسياسى قاتارىنان قر تۇڭعىش پرەزيدەنتى - ەلباسىنىڭ قاۋىپسىزدىگىن قامتاماسىز ەتۋ مىندەتى الىنىپ تاستالماق.
"مىندەتتەرى - قازاقستان رەسپۋبليكاسى پرەزيدەنتىنىڭ جانە باسقا دا كۇزەتىلەتىن ادامداردىڭ قاۋىپسىزدىگىن قامتاماسىز ەتۋ،" - دەلىنگەن.
قۇجاتقا قوسىمشا بەرىلگەن تۇسىندىرمەدە مكق-دەن نۇرسۇلتان نازارباەۆتىڭ قاۋىپسىزدىگىن قامتاماسىز ەتۋ مىندەتى «تۇڭعىش پرەزيدەنت – ەلباسى تۋرالى» كونستيتۋتسيالىق زاڭنىڭ كۇشى جويىلۋىنا بايلانىستى الىنىپ تاستالىپ وتىرعانى كورسەتىلگەن.
ايتا كەتەيىك، جارلىق جوباسى 14 ماۋسىمعا دەيىن كوپشىلىك تالقىلاۋدا بولادى. كەيىن قول قويۋ ءۇشىن پرەزيدەنتكە جولدانادى..
