4 ماۋسىم - قازاقستان رەسپۋبليكاسىنىڭ مەملەكەتتىك رامىزدەر كۇنى.
تاۋەلسىز قازاقستاننىڭ نىشاندارى - تۋ، ەلتاڭبا جانە ءانۇران. قازاق ەلىنىڭ بۇل نىشاندارى – مەملەكەتىمىزدىڭ دەربەستىگى مەن تاۋەلسىزدىگىن بۇكىل الەمگە تانىتۋشى. ءارى ەلىمىزدىڭ وتكەنى مەن بۇگىنى جانە بولاشاعى اراسىنداعى ساباقتاستىقتىڭ جارقىن كورىنىسى. سوندىقتان “ادىرنا” ءتىلشىسى الماتى تۇرعىندارىنان رامىزدەردىڭ اۆتورىن سۇراپ، ساۋال قويدى.
“تۋدىڭ اۆتورىن بىلەسىز بە؟” دەگەن ساۋالعا قالا تۇرعىندارىنىڭ ءبىرى “ساكەن مايعازيەۆ” دەپ شاتاسىپ كەتتى. توسىننان قويعان سۇراقتىڭ جاۋابىن جاستاردىڭ ءبىرازى بىلمەيتىن بولىپ شىقتى. وكىنىشكە قاراي، ەلتاڭبانىڭ دا اۆتورىنىڭ كىم ەكەنىنەن بەيحابار.
ال ءانۇراننىڭ اۆتورلارىن سۇراعاندا ءشامشى قالداياقوۆ پەن نۇرسۇلتان نازارباەۆ ەكەنىن ايتىپ، جۇمەكەن ناجىمەدەنوۆتى ەشكىم ەسىنە تۇسىرە المادى. ال تۇرعىنداردىڭ بارلىعى ءانۇراندى جاتقا بىلەدى.
دەگەنمەن، ەلدىڭ ۇلتتىق بولمىسىن، دەربەستىگى مەن تاۋەلسىزدىگىن بۇكىل الەمگە تانىتاتىن بەلگىلەردىڭ اۆتورلارىن ءبىلىپ جۇرگەنىمىز ابزال!
