الماتىدا جولاۋشىلار پويىزى رەلستەن شىعىپ كەتتى. بۇل تۋرالى «قازاقستان تەمىر جولى» ۇلتتىق كومپانياسى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، 8 ماۋسىم كۇنى رەيسكە شىعاتىن پويىزداردى تەكسەرەتىن الماتى-2 تەمىرجول ستانساسىنىڭ تەحنيكالىق پاركىندە مانەۆرلىك جۇمىستاردى ورىنداۋ كەزىندە ۆاگونداردىڭ ءبىرىنىڭ دوڭعالاق جۇپتارى شىعىپ كەتتى. قۇرباندار مەن زارداپ شەككەندەر جوق. پويىزدا جولاۋشىلار بولعان جوق.
جولعا شىعاتىن پويىزدىڭ ورنىنا جەدەل باسقاسى ۇيىمداستىرىلىپ، كەستە بويىنشا جونەلتىلدى. وقيعانىڭ ءمان-جايىن انىقتاۋ ءۇشىن ارنايى كوميسسيا قۇرىلدى، - دەپ حابارلادى «قازاقستان تەمىر جولى» ۇلتتىق كومپانياسى» اق ءباسپاسوز قىزمەتىنەن.
