ەكولوگتار تەكسەرىسىنەن كەيىن "ارسەلورميتتال تەمىرتاۋ" كومپانياسىنا اۋانى لاستاعانى ءۇشىن 1 ملرد تەڭگەدەن استام ايىپپۇل سالىندى. بۇل تۋرالى قاراعاندى وبلىسى بويىنشا ەكولوگيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
05.09.2022 جانە 03.10.2022 جىلدار ارالىعىندا "ارسەلورميتتال تەمىرتاۋ" اق-عا قاتىستى "جول كارتاسى" باعدارلاماسىن ىسكە اسىرۋ شەڭبەرىندە كومپانيانىڭ بارلىق كاسىپورىندارداعى تسەحتارىنا جوسپاردان تىس تەكسەرىس جۇرگىزىلدى.
تەكسەرۋ بارىسىندا دەپارتامەنت كومپانيانىڭ قازاقستان رەسپۋبليكاسىنىڭ تابيعاتتى قورعاۋ زاڭناماسىن ورەسكەل بۇزۋشىلىقتاردىڭ بىرقاتارىن انىقتادى، - دەلىنگەن ۆەدومستۆو حابارلاماسىندا.
نەگىزگى زاڭ بۇزۋشىلىقتار كوكستەۋ، جەو-2, اگلومەراتسيا، دومنا پەشى، № 2, № 3 ،اك كۇيدىرۋ تسەحى سياقتى تسەحتار ءۇشىن رۇقسات ەتىلگەن شەكتى شىعارىندىلاردىڭ بەلگىلەنگەن نورماتيۆتەرىنەن اسىپ ءتۇستى.
انىقتالعان زاڭ بۇزۋشىلىقتار ءۇشىن دەپارتامەنتپەن تابيعاتتى قورعاۋ زاڭناماسىن بۇزعانى ءۇشىن 1 207 287 661 تەڭگە سوماسىندا اكىمشىلىك ايىپپۇل سالىندى.
ايتا كەتەيىك، تەمىرتاۋ قالاسىنىڭ اكىمشىلىك سوتىنىڭ قاۋلىسىمەن "ارسەلورميتتال تەمىرتاۋ" اق ءۇشىن 2023 جىلدىڭ 15 تامىزىنا دەيىن ايىپپۇلدى ءۇش كەزەڭ بويىنشا ءبولىپ تولەۋ جوسپارى بەلگىلەندى.
