«تازا قازاقستان» رەسپۋبليكالىق ەكولوگيالىق اكتسياسى اياسىنداعى كوركەيتۋ-كوگالداندىرۋ، اباتتاندىرۋ جۇمىستارى قىزىلوردا وبلىسىندا ءساتتى جۇزەگە اسىرىلۋدا.
مەملەكەت باسشىسىنىڭ تىكەلەي قولداۋىمەن قىزىلوردا قالاسى سوڭعى جىلدارى قارقىندى قۇرىلىس الاڭىنا اينالدى. ينفراقۇرىلىم مەن قوعامدىق كەڭىستىكتەردى جاڭعىرتۋ باعىتىندا ءىرى جوبالار جۇزەگە اسىرىلۋدا. قالانىڭ ساۋلەتتىك كەلبەتى جاڭارىپ، تۇرعىنداردىڭ ءومىر ءسۇرۋ ساپاسىن ارتتىرۋعا باعىتتالعان جۇمىستار جۇيەلى تۇردە جۇرگىزىلۋدە.
بۇگىندە قالا اۋماعىندا 42 دەمالىس ساياباعى مەن سكۆەر-اللەيا بار. بۇل ورىنداردىڭ بارلىعى دا جاڭعىرتىلۋدا. ماقسات – قىزىلوردانىڭ تۋريستىك الەۋەتىن ارتتىرۋ، تۇرعىندارعا قولايلى ءارى قاۋىپسىز دەمالىس ورىندارىن ۇسىنۋ.
قايتا جاڭعىرتۋدان وتكەن قالالىق مادەني جانە دەمالىس پاركى زاماناۋي ارحيتەكتۋرالىق ۇلگىمەن بەزەندىرىلىپ، جاڭا سۋبۇرقاقتار، امفيتەاتر، سكەيتپارك، بالالار مەن ەرەسەكتەرگە ارنالعان ويىن الاڭدارىمەن تولىقتى.
بۇعان قوسا، قالاداعى حالىق
قالانىڭ شىرايىن اشاتىن باستى ورىندار – ورتالىق الاڭ مەن بىرقاتار سكۆەرلەر دە زاماناۋي تالاپتارعا ساي قايتا جاڭاردى. جاڭا جارىق شامدارى، ساندىك گۇلزارلار، سۋبۇرقاقتار مەن جايلى ورىندىقتار ورناتىلىپ، بۇل اۋماقتار قالا تۇرعىندارى مەن قوناقتارى ءۇشىن ناعىز دەمالىس ورنىنا اينالدى.
«تاۋەلسىزدىككە – 25 جىل» داڭعىلى تولىق جاڭعىرتۋدان ءوتىپ، ەكى جولاقتىدان ءتورت جولاقتىعا كەڭەيتىلدى. ۇزىندىعى 7 شاقىرىمدى قۇرايتىن كوشە بويىنا جارىق باعاندارى، ايالدامالار، ۆەلوجولاقتار جانە جاياۋ جۇرگىنشىلەر جولى سالىندى.
قىزىلوردا قالاسى – جاڭارۋ مەن دامۋدىڭ ناقتى ۇلگىسىنە اينالۋدا.
