ساراندا «تازا قازاقستان» باعدارلاماسى اياسىندا «جاسىل ەل» ەڭبەك جاساقتارىنىڭ قاتىسۋىمەن «تازا ەل – تازا بولاشاق» جاستار ەكولوگيالىق اكتسياسى ءوتتى. قالانىڭ 70 تۇرعىنى بوگەت اۋدانىنداعى سۋ قويماسىنىڭ اۋماعىن قوقىستان تازارتتى. اكتسيا بالىقشىلار جانە بالىق شارۋاشىلىعى قىزمەتكەرلەرىنىڭ كۇنىنە وراي ۇيىمداستىرىلدى.
– بۇگىن ءبىز سۋ قويماسىنىڭ جاعالاۋىن قوقىستان تازالاپ جاتىرمىز. مەن ءۇشىن بۇل جاي سەنبىلىك ەمەس، تۋعان قالاما قامقورلىق كورسەتۋ. ساران – ءبىزدىڭ ورتاق ءۇيىمىز. مۇنداي ءىس-شارالار ەكولوگيالىق مادەنيەتتى تاربيەلەيدى، – دەيدى ساران قالاسىنىڭ جاس تۇرعىنى اياجان ورىنبەك.
ساراندا «تازا قازاقستان» رەسپۋبليكالىق ەكولوگيالىق ناۋقانىنا ءار ءتۇرلى مەنشىك نىسانىنداعى 75 كاسىپورىندار مەن ۇيىمدارى، سونىڭ ىشىندە وقۋشىلار، ستۋدەنتتەر، سونداي-اق قامقور تۇرعىندار – بارلىعى 5 مىڭنان استام ادام قاتىستى.
ساياباقتار مەن گۇلباقتار قوقىستان تازارتىلدى، تاريح جانە مادەنيەت ەسكەرتكىشتەرىنىڭ اۋماقتارى تازارتىلدى.
كوگالداندىرۋ جۇمىستارى جۇرگىزىلدى – 5 مىڭنان استام ءتۇرلى كوشەتتەر ەگىلدى.
ەكواكتسيالار ودان ءارى جالعاسادى. ولاردى وتكىزۋ گەوگرافياسى دا كەڭەيتىلەتىن بولادى. قاراعاندى وبلىسىنىڭ ءاربىر بۇرىشى قامتىلۋى ءتيىس. مىندەت – قالالار مەن اۋىلداردى تازا جانە ءومىر سۇرۋگە جايلى ەتۋ.
