ءماجىلىس الاڭىندا باس پروكۋروردىڭ ورىنباسارى جاندوس ومىراليەۆ اباي وبلىسىنداعى ورتكە قاتىستى تەرگەلىپ جاتقان قىلمىستىق ىستەر اياسىندا مينيسترلەر مەن اكىمدەردەن جاۋاپ الىناتىنىن ايتتى، - دەپ حابارلايدى "ادىرنا" ءتىلشىسى.
باس پروكۋرور ورىنباسارىنىڭ ايتۋىنشا، تەرگەۋ ەندى عانا باستالعاندىقتان، شەنەۋنىكتەردىڭ ارەكەتى ءالى سارالانعان جوق.
«قىلمىستىق ءىستى تەرگەپ-تەكسەرۋ شەڭبەرىندە ءوز مىندەتتەرىنە، قىزمەتىنە ادالدىق تانىتپاعان، جاۋاپسىز قاراعان، سونىڭ سالدارىنان ءوز مىندەتتەرىن ورىنداماعان، وسىنداي قايعىلى وقيعالارعا جانە ءبىزدىڭ ازاماتتارىمىزدىڭ ولىمىنە اكەپ سوققان جايتقا قاتىستى بارلىق
لاۋازىمدى تۇلعالاردىڭ شەڭبەرى انىقتالدى»، - دەدى ومىراليەۆ.
جۋرناليستەر باس پروكۋروردىڭ ورىنباسارىنا ەكس-توتەنشە جاعدايلار ءمينيسترى يۋري يلين، ەكولوگيا ءمينيسترى زۋلفيا سۇلەيمەنوۆا، سونداي-اق اباي وبلىسىنىڭ اكىمى نۇرلان ۇرانحاەۆ پەن شىعىس قازاقستان وبلىسىنىڭ اكىمى دانيال احمەتوۆتەن جاۋاپ الۋعا قاتىستى ساۋال قويدى.
"ولاردان جاۋاپ الىناتىنى ءسوزسىز. باسقا دا تەرگەۋ ارەكەتتەرى قازىر جەدەل-ىزدەستىرۋ سيپاتىندا جۇرگىزىلۋدە»، - دەپ جاۋاپ بەردى باس پروكۋروردىڭ ورىنباسارى.
ۇقساس جاڭالىقتار
"ادىرنا" ۇلتتىق پورتالى
