توتەنشە جاعدايلار مينيسترلىگى ۆەدومستۆونىڭ بۇرىنعى باسشىسى يۋري يلين اباي وبلىسىندا ءورت باستالعان كەزدە ءباا-دە بولعان دەگەن اقپاراتقا تۇسىنىكتەمە بەردى، دەپ جازادى "ادىرنا".
مينيسترلىك بۇل اقپاراتتىڭ شىندىققا جاناسپايتىنىن ءمالىم ەتتى. 8-9 ماۋسىمدا يۋري يلين جۇمىس ساپارىمەن سولتۇستىك قازاقستان وبلىسىنا بارعان.
"جۇمىس ساپارىنىڭ ءبىرىنشى كۇنى ول وبلىس ورتالىعىنىڭ جانىندا سالىنىپ جاتقان تجد ءورت ءسوندىرۋ قىزمەتىنىڭ جەدەل-قۇتقارۋ جاساعىنىڭ كەشەنىنە،
پەتروپاۆلدىڭ بەرەكە شاعىن اۋدانىنداعى ءورت دەپوسى كەشەنىنىڭ قۇرىلىس اۋماعىنا باردى. كەلەسى كۇنى تجم باسشىسى وبلىس تۇرعىندارىمەن كەزدەسۋ وتكىزىپ، باق ءۇشىن بريفينگ وتكىزىپ، ۇەۇ وكىلدەرىمەن كەزدەستى. مينيستر اباي وبلىسىنداعى ورتكە جانە ءورتتى سوندىرۋگە تارتىلعان كۇشتەر مەن قۇرالداردى ۇيلەستىرۋ قاجەتتىلىگىنە بايلانىستى سولتۇستىك قازاقستان وبلىسىنا جۇمىس ساپارىن توقتاتتى", – دەلىندە تجم جاۋابىندا.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز