2023 جىلدىڭ 16 ماۋسىمىندا ساعات 15.00-دە. قازاقستان رەسپۋبليكاسى ۇلتتىق اكادەميالىق كىتاپحاناسىنىڭ «كونستيتۋتسيا» كونفەرەنتس-زالىندا «اۋىل مەكتەپتەرىنىڭ وقۋشىلارى ءۇشىن قوسىمشا ونلاين ءبىلىم بەرۋ مەن دايىندىق كۋرستارىنىڭ قولجەتىمدىلىگى ماسەلەلەرى» تاقىرىبىندا دوڭگەلەك ۇستەل وتەدءى.
دوڭگەلەك ۇستەلدىڭ ۇيىمداستىرۋشىسى: «اۋىل» حالىقتىق – دەموكراتيالىق پاتريوتتىق پارتياسى.
ماقساتى: دوڭگەلەك ۇستەلدىڭ باستى ماقساتى - اۋىل وقۋشىلارىنىڭ رەسپۋبليكالىق جانە وڭىرلىك دەڭگەيدەگى مامانداندىرىلعان ءبىلىم بەرۋ ۇيىمدارىنا وقۋعا ءتۇسۋى ءۇشىن قوسىمشا ونلاين ءبىلىم بەرۋ مەن دايىندىق كۋرستارىنىڭ قولجەتىمدىلىگىن قامتاماسىز ەتۋ بويىنشا ۇسىنىمدار ازىرلەۋ. اۋىل مەكتەپتەرىندەگى وقۋشىلاردىڭ تەرەڭدەتىلگەن ءبىلىم بەرۋ ۇيىمىن تاڭداۋداعى مۇمكىندىكتەرىن كەڭەيتۋ ارقىلى ولاردىڭ جالپى ءبىلىم الۋداعى جەتىستىكتەرىن جاقسارتۋ.
ەل بويىنشا 90 ليتسەيدىڭ 7-ءۋى (ليتسەيلەردىڭ جالپى سانىنىڭ 8%) جانە 120 گيمنازيانىڭ 17-ءى (ەل بويىنشا گيمنازيالاردىڭ جالپى سانىنىڭ 14%) اۋىلدىق ەلدى مەكەندەردە ورنالاسقان.
كەڭ جولاقتى ينتەرنەتتىڭ بولماۋىنا بايلانىستى اۋىلدىق مەكتەپ وقۋشىلارىنىڭ تسيفرلىق ءبىلىم بەرۋ رەسۋرستارىنا قولجەتىمدىلىگى شەكتەۋلى. اۋىلدىق مەكتەپتەردىڭ ۇشتەن بىرىندە (1 364 مەكتەپ) ينتەرنەت جىلدامدىعى 2 مبيت/س-تان تومەن، ال اۋىلدىق مەكتەپتەردىڭ كوپشىلىگى ينتەرنەت جەلىسىنە 4 مبيت/س جىلدامدىقپەن قوسىلعان.
وقۋ جابدىقتارىمەن جەتكىلىكسىز جاراقتاندىرۋ جانە اۋىلدىق مەكتەپتەردەگى ءبىلىم بەرۋ مۇمكىندىكتەرىنىڭ تومەن دەڭگەيى ۇلگەرىمگە تەرىس اسەر ەتەدى. سونىمەن، PISA زەرتتەۋى قالالىق جانە اۋىلدىق مەكتەپتەر اراسىنداعى ايىرماشىلىقتى تسيكلدىك تۇردە راستايدى. مىسالى، PISA-2018 وقۋ ساۋاتتىلىعى بويىنشا اۋىل مەكتەپتەرى قالا مەكتەپتەرىنەن 38 ۇپايعا، جاراتىلىستانۋ عىلىمدارى بويىنشا – 32 ۇپايعا، ماتەماتيكا بويىنشا – 22 ۇپايعا تومەن.
مۇعالىمدەردىڭ ادىستەمەلىك قۇزىرەتتىلىگى مەن اۋىل مەكتەپتەرى وقۋشىلارىنىڭ پاندىك ءبىلىمىنىڭ جەتكىلىكسىزدىگىنەن ولاردىڭ مامانداندىرىلعان مەكتەپتەرگە (نزم، رفمم، بيل، دارىن مەكتەپتەرى جانە ت.ب.) ءتۇسۋ كورسەتكىشتەرى دە تومەن.. قر ءبىلىم مينيسترلىگىنىڭ دەرەكتەرىنە سايكەس، سوڭعى ءۇش جىلدا اۋىل وقۋشىلارىنىڭ تەك 0,2% - ى ەلىمىزدىڭ مامانداندىرىلعان مەكتەپتەرىنە ءتۇرلى باعىتتار بويىنشا وقۋعا تۇسكەن.
مەكتەپ بازاسىنىڭ ناشارلىعىنان نازارباەۆ ۋنيۆەرسيتەتىنە تۇسكەن اۋىل تۇلەكتەرى دە ساۋساقپەن سانارلىقتاي. قر عىلىم جانە جوعارى ءبىلىم مينيسترلىگى ۇسىنعان اقپاراتقا سايكەس، ءۇش جىل ىشىندە (2020-2022 جىلدار) نازارباەۆ ۋنيۆەرسيتەتىنە اۋىل مەكتەپتەرىنەن 54 بالا وقۋعا تۇسكەن.
قازىرگى ۋاقىتتا اۋىلدىق كۆوتا بويىنشا "بولاشاق" حالىقارالىق ستيپەندياسى تەك 1 كانديداتقا عانا بەرىلدى.
سوڭعى ءۇش جىلدا باكالاۆريات باعدارلاماسى بويىنشا الەمنىڭ 16 مەملەكەتىنەن بولىنگەن ۇكىمەتارالىق 429 ءبىلىم بەرۋ گرانتتارى يەگەرىلەرىنىڭ اراسىندا اۋىل مەكتەپتەرىنىڭ تۇلەكتەرى مۇلدەم جوق.
قاتىسۋشىلار: قازاقستان رەسپۋبليكاسى پارلامەنتى سەناتى مەن ءماجىلىسىنىڭ دەپۋتاتتارى، ورتا ءبىلىم بەرۋ، تسيفرلاندىرۋ، اۋىلدىق اۋماقتاردى دامىتۋ ماسەلەلەرى بويىنشا جاۋاپتى مينيسترلىكتەردىڭ، جەرگىلىكتى اتقارۋشى ورگانداردىڭ، حالىقارالىق ۇيىمداردىڭ، ءبىلىم بەرۋ ۇيىمدارىنىڭ (نازارباەۆ ۋنيۆەرسيتەتى، نزم، بيل جانە ت.ب.), سونداي-اق وقۋشىلاردى قوسىمشا ونلاين وقىتۋ بويىنشا ءبىلىم بەرۋ ورتالىقتارىنىڭ وكىلدەرى.
دوڭگەلەك ۇستەل باعدارلاماسىندا: بايانداماشىلار قوسىمشا ونلاين وقىتۋ سالاسىنىڭ بۇگىنگى جاي-كۇيى، ءبىلىم بەرۋ تسيفرلىق پلاتفورمالار بازاسىندا اۋىل وقۋشىلارىن دايارلاۋ بويىنشا قولدانىستاعى تاجىريبەلەر مەن قول جەتكىزگەن ناتيجەلەر تۋرالى اۋقىمدى اقپارات بەرەدى. تالقىلاۋلار ناتيجەسىندە كۇن تارتىبىندەگى ماسەلەلەر بويىنشا ۇسىنىمدار جوباسى قابىلدانادى
وتەتىن ورنى: استانا ق.، دوستىق ك. 11, قازاقستان رەسپۋبليكاسى ۇلتتىق اكادەميالىق كىتاپحاناسىنىڭ «كونستيتۋتسيا» كونفەرەنتس-زالى
ساع 14.30. ( قاتىسۋشىلاردى تىركەۋ جانە باق وكىلدەرىنە ينتەرۆيۋ)
ساع. 15.00. دوڭگەلەك ۇستەل جۇمىسىنىڭ باستالۋى
