2023 jyldyŋ 16 mausymynda saǧat 15.00-de. Qazaqstan Respublikasy Ūlttyq Akademiialyq kıtaphanasynyŋ «Konstitusiia» konferens-zalynda «Auyl mektepterınıŋ oquşylary üşın qosymşa onlain bılım beru men daiyndyq kurstarynyŋ qoljetımdılıgı mäselelerı» taqyrybynda döŋgelek üstel ötedı.
Döŋgelek üsteldıŋ ūiymdastyruşysy: «Auyl» Halyqtyq – demokratiialyq patriottyq partiiasy.
Maqsaty: Döŋgelek üsteldıŋ basty maqsaty - auyl oquşylarynyŋ respublikalyq jäne öŋırlık deŋgeidegı mamandandyrylǧan bılım beru ūiymdaryna oquǧa tüsuı üşın qosymşa onlain bılım beru men daiyndyq kurstarynyŋ qoljetımdılıgın qamtamasyz etu boiynşa ūsynymdar äzırleu. Auyl mektepterındegı oquşylardyŋ tereŋdetılgen bılım beru ūiymyn taŋdaudaǧy mümkındıkterın keŋeitu arqyly olardyŋ jalpy bılım aludaǧy jetıstıkterın jaqsartu.
El boiynşa 90 liseidıŋ 7-uı (liseilerdıŋ jalpy sanynyŋ 8%) jäne 120 gimnaziianyŋ 17-ı (el boiynşa gimnaziialardyŋ jalpy sanynyŋ 14%) auyldyq eldı mekenderde ornalasqan.
Keŋ jolaqty internettıŋ bolmauyna bailanysty auyldyq mektep oquşylarynyŋ sifrlyq bılım beru resurstaryna qoljetımdılıgı şekteulı. Auyldyq mektepterdıŋ üşten bırınde (1 364 mektep) internet jyldamdyǧy 2 Mbit/s-tan tömen, al auyldyq mektepterdıŋ köpşılıgı internet jelısıne 4 Mbit/s jyldamdyqpen qosylǧan.
Oqu jabdyqtarymen jetkılıksız jaraqtandyru jäne auyldyq mektepterdegı bılım beru mümkındıkterınıŋ tömen deŋgeiı ülgerımge terıs äser etedı. Sonymen, PISA zertteuı qalalyq jäne auyldyq mektepter arasyndaǧy aiyrmaşylyqty sikldık türde rastaidy. Mysaly, PISA-2018 oqu sauattylyǧy boiynşa auyl mektepterı qala mektepterınen 38 ūpaiǧa, jaratylystanu ǧylymdary boiynşa – 32 ūpaiǧa, matematika boiynşa – 22 ūpaiǧa tömen.
Mūǧalımderdıŋ ädıstemelık qūzyrettılıgı men auyl mektepterı oquşylarynyŋ pändık bılımınıŋ jetkılıksızdıgınen olardyŋ mamandandyrylǧan mektepterge (NZM, RFMM, BİL, Daryn mektepterı jäne t.b.) tüsu körsetkışterı de tömen.. QR Bılım Ministrlıgınıŋ derekterıne säikes, soŋǧy üş jylda auyl oquşylarynyŋ tek 0,2% - y elımızdıŋ mamandandyrylǧan mektepterıne türlı baǧyttar boiynşa oquǧa tüsken.
Mektep bazasynyŋ naşarlyǧynan Nazarbaev universitetıne tüsken auyl tülekterı de sausaqpen sanarlyqtai. QR Ǧylym jäne joǧary bılım ministrlıgı ūsynǧan aqparatqa säikes, üş jyl ışınde (2020-2022 jyldar) Nazarbaev universitetıne auyl mektepterınen 54 bala oquǧa tüsken.
Qazırgı uaqytta auyldyq kvota boiynşa "Bolaşaq" halyqaralyq stipendiiasy tek 1 kandidatqa ǧana berıldı.
Soŋǧy üş jylda bakalavriat baǧdarlamasy boiynşa älemnıŋ 16 memleketınen bölıngen ükımetaralyq 429 bılım beru granttary iegerılerınıŋ arasynda auyl mektepterınıŋ tülekterı müldem joq.
Qatysuşylar: Qazaqstan Respublikasy Parlamentı Senaty men Mäjılısınıŋ deputattary, orta bılım beru, sifrlandyru, auyldyq aumaqtardy damytu mäselelerı boiynşa jauapty ministrlıkterdıŋ, jergılıktı atqaruşy organdardyŋ, halyqaralyq ūiymdardyŋ, bılım beru ūiymdarynyŋ (Nazarbaev Universitetı, NZM, BİL jäne t.b.), sondai-aq oquşylardy qosymşa onlain oqytu boiynşa bılım beru ortalyqtarynyŋ ökılderı.
Döŋgelek üstel baǧdarlamasynda: baiandamaşylar qosymşa onlain oqytu salasynyŋ bügıngı jai-küiı, bılım beru sifrlyq platformalar bazasynda auyl oquşylaryn daiarlau boiynşa qoldanystaǧy täjıribeler men qol jetkızgen nätijeler turaly auqymdy aqparat beredı. Talqylaular nätijesınde kün tärtıbındegı mäseleler boiynşa Ūsynymdar jobasy qabyldanady
Ötetın orny: Astana q., Dostyq k. 11, Qazaqstan Respublikasy Ūlttyq Akademiialyq kıtaphanasynyŋ «Konstitusiia» konferens-zaly
Saǧ 14.30. ( Qatysuşylardy tırkeu jäne BAQ ökılderıne interviu)
Saǧ. 15.00. Döŋgelek üstel jūmysynyŋ bastaluy
