بۇگىندە قالادا جالپى اۋماعى 869 گەكتاردى قۇرايتىن 5 وندىرىستىك الاڭ جۇمىس ىستەيدى. وندا 13 مىڭنان استام جاڭا جۇمىس ورنى قۇرىلىپ، 337 ينۆەستيتسيالىق جوبا ىسكە اسىرىلۋدا. بۇل تۋرالى بۇگىن استانا قالاسىنداعى ورتالىق كوممۋنيكاتسيالار قىزمەتىندە وتكەن بريفينگتە شىمكەنت قالاسىنىڭ اكىمى مۇرات ايتەنوۆ باياندادى.
بۇگىنگە قولدانىستاعى وندىرىستىك ايماقتاردىڭ تولىمدىلىعى 90 پايىزدان استى. ءوندىرىس الاڭدارىنا قاجەتتىلىكتىڭ ارتۋىنا بايلانىستى جاڭادان 867 گەكتاردى قۇرايتىن 5 ءوندىرىس اۋماعىن قۇرۋ جۇمىستارى جۇرگىزىلۋدە. بۇل اۋماقتاردا 400 ملرد.تەڭگەنى قۇرايتىن 284 ينۆەستيتسيالىق جوبا ىسكە اسىرىلادى. وندا 12 مىڭعا جۋىق جۇمىس ورىندارى قۇرىلاتىن بولادى.
جاڭادان قۇرىلاتىن اۋماقتاردىڭ 2-ءۋى قولدانىستاعى وندىرىستىك الاڭداردى كەڭەيتۋ بولسا، قالعانى جاڭادان قۇرىلاتىن الاڭدار. 306 گەكتار «جۇلدىز» يندۋستريالىق ايماعىندا ينجەنەرلىك ينفراقۇرىلىمنىڭ قۇرىلىسى جۇرگىزىلىپ جاتىر. جاڭا يندۋستريالىق ايماقتا ماشينا جاساۋ، فارماتسەۆتيكا، مەتاللۋرگيا، جيھاز ونەركاسىبى، قۇرىلىس يندۋسترياسى سالالارىندا 3 مىڭنان استام جاڭا جۇمىس ورنى اشىلىپ، 50-دەن استام ءىرى ينۆەستيتسيالىق جوبا ىسكە اسادى. اتالعان ايماقتا ينۆەستيتسيالىق قۇنى 147 ملرد. تەڭگە قۇرايتىن 42 جوبانى جۇزەگە اسىرۋ جۇمىستارى جۇرگىزىلۋدە.
سونداي-اق اۋىلشارۋاشىلىق ونىمدەرىن تەرەڭ وڭدەيتىن وندىرىستىك الاڭدارىن دامىتۋ ماقساتىندا اۋماعى 132 گەكتار قۇرايتىن «بوزارىق» تاماق ونەركاسىبى اگرو-يندۋستريالىق ايماعىندا ينجەنەرلىك ينفراقۇرىلىم جۇيەلەرىنىڭ قۇرىلىسى جۇرگىزىلۋدە. ناتيجەسىندە 21 جوباعا 23 ملرد.تەڭگە ينۆەستيتسيا تارتىلىپ، 1 800-دەن استام جۇمىس ورنى اشىلاتىن بولادى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز