21 ماۋسىم كۇنى سەمەيدە اۆتوبۋس ورتەنىپ كەتتى. بۇل تۋرالى اباي وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
الەۋمەتتىك جەلىلەردە اۆتوبۋستىڭ جانىپ جاتقان بەينەجازباسى تارالدى.
باسقارمانىڭ مالىمدەۋىنشە، توتەنشە جاعداي تۋرالى حابارلاما «101» پۋلتىنە ساعات 8:50-دە تۇسكەن.
«جولاۋشىلار تەز ارادا اۆتوبۋستان شىعىپ ۇلگەردى. قۇتقارۋ بولىمشەلەرى كەلگەننەن كەيىن 2013 جىلعى پاز اۆتوكولىگى ءجۇرىپ بارا جاتقاندا قوزعالتقىش بولىگىنىڭ بولشەكتەرى، اسپاپتار پانەلى، سالوننىڭ ىشكى قاپتاماسى، وتىرعىشتارى مەن كۋزوۆى جانىپ جاتقانى انىقتالدى. ءورت اۋماعى 20 شارشى مەتر بولدى. ءورت تەز ارادا ءسوندىرىلدى»، - دەلىنگەن حابارلامادا.
بولجام بويىنشا ءورتتىڭ بولۋىنا قاۋىپتىلىگى جوعارى اگرەگاتقا سالعىرت قاراۋ سەبەپ بولعان.
زارداپ شەككەندەر مەن قازا تاپقاندار جوق.
<
