قوستانايدا ءبىر توپ جەكە تۇلعا اگروونەركاسىپتىك كەشەندى دامىتۋدىڭ 2021-2025 جىلدارعا ارنالعان ۇلتتىق جوباسى بويىنشا سۋبسيديا رەتىندە بولىنگەن 500 ملن تەڭگەدەن استام قارجىنى جىمقىردى دەگەن كۇدىككە ءىلىندى. بۇل تۋرالى قارجىلىق مونيتورينگ اگەنتتىگى مالىمدەدى، دەپ حابارلايدى ”ادىرنا” ۇلتتىق پورتالى.
مالىمەت بويىنشا، ۇيىمداسقان قىلمىستىق توپ 2022 جىلدان بۇگىنگە دەيىن ارەكەت ەتىپ كەلگەن.
سوت ۇيىمداستىرۋشى مەن ونىڭ ەكى سىبايلاسىن 2 ايعا قاماۋعا الۋ تۋرالى سانكتسيا بەردى. سوتقا دەيىنگى تەرگەۋ جالعاسىپ جاتىر. قر قپك 201-بابىنا سايكەس وزگە دە مالىمەتتەر جاريا ەتىلۋگە جاتپايدى، – دەلىنگەن حابارلامادا.
ايتا كەتەيىك، قىلمىستىق سحەما بويىنشا شارۋا قوجالىقتارى شىن مانىندە جوق ءونىمدى قايتا وڭدەۋ زاۋىتىنا جالعان جەتكىزىپ، ولار ءۇشىن سۋبسيديالار تولەنىپ، ۇيىمداسقان قىلمىستىق توپقا قاتىسۋشىلار اراسىندا ۇلەستىرىلگەن.
