ءماجىلىس دەپۋتاتى، زاڭگەر باقىتجان بازاربەك “ماسس-مەديا” تۋرالى زاڭ جوباسىن سىنعا الدى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، كوميسسيا قۇرامىندا باق وكىلدەرى بولسا، كوميسسياعا سەنۋگە بولار ەدى.
مەن كەشە مىنا زاڭ جوباسىن قاتتى سىنعا الدىم، سەبەبى كوپ شيكىلىك بار. مينيسترلىكتىڭ وكىلى ءسوز اراسىندا “دەموكراتيا”، ء“سوز بوستاندىعى” دەپ اشەكەيلەۋگە تىرىسادى. ءىس جۇزىندە زاڭ جوباسى بۇعان سايكەس ەمەس. بىرىنشىدەن، ءباسپاسوز كارتاسىن بەرەتىن كوميسسيا مۇشەلەرى – شەنەۋنىكتەر. كىمگە بەرەدى، كىمگە بەرمەيدى، وزدەرى شەشەدى. ەگەر كوميسسيا قۇرامىنىڭ جارتىسى باق وكىلدەرى بولسا، كوميسسياعا سەنەتىن ەدىم. ال كوميسسيا اقپارات مينيسترلىگى، باسقا دا مينيسترلىكتىڭ شەنەۋنىكتەرىنەن تۇرادى. وعان قالاي سەنۋگە بولادى؟ ءجۋرناليستىڭ بيلىكتى سىناۋعا قۇقىعى بار. مىسالى، اباي وبلىسىنداعى ورتتە قىزمەت جاساماعان شەنەۋنىكتى جۋرناليست قالاي سىنامايدى؟ سىنايدى. بىراق ەرتەڭ ول ءباسپاسوز كارتاسىن الا الا ما؟”– دەدى دەپۋتات.ودان بولەك، ول زاڭ جوباسىنداعى ءجۋرناليستىڭ ارنايى ءبىلىمى بولۋى كەرەك دەگەن جەرىمەن كەلىسپەيتىنىن جەتكىزدى.
30-باپتا ءباسپاسوز كارتاسىن بەرۋدى كوميسسيا شەشەدى دەيدى. سونداي-اق جۋرناليستىك سالادا ارنايى ءبىلىمى، ديپلومى بولۋى كەرەك. كەشىرىڭىزدەر، قوعامداعى ءبىراز وزەكتى ماسەلەنى كوتەرىپ جاتقانداردىڭ كوبى جۋرناليست ەمەس. سوندا ولار بۇل زاڭ جوباسى بويىنشا پرەسس-كارتا الا المايدى. ءبىر عانا مىسال، تاڭىربەرگەن بەردوڭعاروۆ جۋرناليست ەمەس قوي, – دەدى ماجىلىسمەن.دەپۋتات زاڭ جوباسى قابىلداناتىن بولسا، ءجۋرناليستىڭ قۇقىعىن ۋاكىلەتتى ورگانداردىڭ ايقىندايتىنىنا دا نارازى.
سوتتىلىعى بولماۋى كەرەك دەيدى. مۇنداي قاتاڭ تالاپتار ءتىپتى كەڭەس وداعى كەزىندە دە بولماعان سياقتى. ايتالىق، ادام ابايسىزدا بىرەۋدى سوعىپ كەتسە، ول شارتتى تۇردە سوتتالادى. سوندا بۇل ادامدى جۋرناليستيكامەن اينالىسۋ مۇمكىندىگىنەن ايىرا ما؟ ءباسپاسوز كارتاسىن العان جۋرناليست ۋاكىلەتتى ورگان ايقىنداعان قۇقىقتارعا يە بولادى. ءجۋرناليستىڭ قۇقىعىن ۋاكىلەتتىك ورگان ايقىنداي ما نە؟ ءجۋرناليستىڭ قۇقىعى زاڭمەن ايقىندالادى، – دەدى دەپۋتات.دەپۋتات بۇل زاڭ جوباسىن قولدامايتىنىن ايتىپ، ارىپتەستەرىن دە سوعان شاقىردى. ايتۋىنشا، بۇل جۋرناليستەردىڭ قۇقىعىنا قىسىم جاسايدى.
مەن كەشە تالاپ قويۋ مەرزىمىن سىناعان بولاتىنمىن. ءتىپتى رەسەيدە – 1 جىل، مولدوۆادا – 30 كۇن. ال بىزدە – 3 جىل. سوت ادۆوكاتى رەتىندە ايتارىم، ءجۋرناليستى سوتقا بەرۋ ءۇشىن، لينگۆيستيكالىق. فونوگرافيالىق ەكسپەرتيزا بولۋى كەرەك. جۋرناليست 3 جىل بويى بارلىق ءارحيۆتى وزىندە ۇستاۋى كەرەك. ول كۇنىنە 7-8 ماتەريال جازادى. ەندى 3 جىلدى ەلەستەتىڭىزشى. ول كەيبىر ماتەريالداردى وشىرەدى. ال ەگەر ول وشىرسە، 3 جىلدان كەيىن ونى سوتقا بەرەدى. ال ول قورعانا المايدى. سىزدەردى تالاپ قويۋ مەرزىمىن 1 جىلعا دەيىن قىسقارتۋدان نە ۇستاپ تۇر؟ نەگە 3 جىل؟ 21,22-باپتاردى وقىپ كورىڭىز. ءسىز جۋرناليسكە مىندەت جۇكتەيسىز، قۇقىعىنا نۇقسان كەلتىرەسىز، شەكتەيسىز. قىسىم جاسايسىز. سوندىقتان دا بۇل زاڭ جوباسىن قولداۋعا بولمايدى دەپ ەسەپتەيمىن. بۇل – مەنىڭ جەكە ۇستانىمىم. ارىپتەستەرىمدى دە بۇل زاڭ جوباسىن قولداماۋعا شاقىرامىن، – دەپ ءسوزىن اياقتادى باقىتجان بازاربەك.