ۇلى دالا بالاسى تورەعالي تورەالىنىڭ استاناداعى كونتسەرتى وتپەيتىن بولدى، دەپ حابارلايدى “ادىرنا”.
الەۋمەتتىك جەلىدە تتت-نىڭ باس قالادا جوسپارلانعان كونتسەرتى ۇيىمداستىرۋشىلاردىڭ تاراپىنان كونتسەرت وتپەيتىندىگى جاريالانعان ەدى.
بۇل اقپاراتتى استاناداعى ەركەعالي راحماديەۆ اتىنداعى مەملەكەتتىك اكادەميالىق فيلارمونيا وكىلدەرى دە راستاپ وتىر.
"فيلارمونيا ونىڭ قۇرامىنا كىرەتىن ۇجىم عانا ەمەس. سونىمەن قاتار، ونىڭ زالى ءجيى جالعا بەرىلەدى. بۇل كونتسەرتكە دە زال جالعا بەرىلگەن، ياعني ادامدار زالدى جالعا الىپ، كونتسەرت وتكىزۋ ءۇشىن كوممەرتسيالىق بولىممەن بايلانىسادى. سوندىقتان ۇيىمداستىرۋشىلاردىڭ باستاماسىمەن كونتسەرت بولماۋى مۇمكىن. بۇل جاعدايدا دا سولاي بولدى".
ايتا كەتەيىك، كونتسەرت 8 شىلدەگە جوسپارلانعان ەدى. تورەعاليدەن بولەك ءابدىجاپپار القوجانىڭ دا ونەر كورسەتۋى ءتيىس بولعان.
