«ZamZam Qazaqstan” قاجىلىق كومپانياسى ارقىلى مەككە قالاسىنا قاجىلىق وتەۋگە كەتكەن جەرلەستەردىڭ جاعدايى ايتىلدى, دەپ حابارلايدى “ادىرنا” ۇلتتىق پورتالى.
ايتا كەتەيىك، «ZamZam Qazaqstan” قاجىلىق كومپانياسى ارقىلى مەككە قالاسىنا قاجىلىق وتەۋگە كەتكەن 120 ادام جالعان قۇجاتپەن قاماۋدا وتىرعانى ايتىلعان بولاتىن.
قازىر ايماقتاعى جەرلەستەرىمىزدىڭ جاعدايى جايلى باياندالدى. ايتۋىنشا، ءۇش كۇنگە جۋىق ۋاقىت پوليتسيا بولىمشەسىنىڭ تابالدىرىعىن توزدىرىپ، ەشبىرى ءنار تاتپاعان. ولاردىڭ اراسىندا جاسى كەلگەن اتا-اپالار دا بار.
بارعان قوناق ۇيلەرىنىڭ دە جاعدايى مۇشكىل، ادام تۇرۋعا كەلمەيتىنى جايلى ايتىلدى. ۆيدەودا جاسى 82-گە كەلگەن اپامىز كوزىنە جاس الدى.
“ادىرنا” ۇلتتىق پورتالى تاراپىنان قازاقستان رەسپۋبليكاسىنىڭ سىرتقى ىستەر مينيسترلىگىنە ماسەلەنىڭ ءمان-جايىن انىقتاۋ بويىنشا سۇراۋ سالىنىپ، رەسمي حات جولداندى. ازىرشە جاۋاپ بەلگىسىز. رەداكتسيا وقيعانىڭ بارىسىن بارىنشا باقىلاۋعا ۇستايدى.
