قازاق حالقىنىڭ ۇلتتىق ويىندارىن دارىپتەۋ - قازاق تاريحىنداعى ەڭ ماڭىزدى قۇندىلىقتاردى جاڭعىرتۋ مەن ساقتاۋدىڭ ماڭىزدى بولىگى. وسى ماقساتتا كونەنىڭ كوزىن كورگەن ارداگەرلەر اراسىندا توعىزقۇمالاقتان چەمپيوناتقا ىرىكتەۋ شاراسى ءوتتى.
جارىسقا الماتى وبلىسىنىڭ سەگىز اۋدانىنان 40 جاستان اسقان، 50 جاستان اسقان، 60 جاستان اسقان جانە 70 جاستان اسقان ءتورت توپتاعى ۇلتتىق قازاق ويىنىنىڭ جانكۇيەرلەرى قاتىستى، دەپ حابارلايدى الماتى وبلىسى دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى.
توعىزقۇمالاق تۇرلەرىنىڭ ءبىرى - "كلاسسيكا". جەكە ەسەپتە ولار وسى جاس ساناتىندا اقتوبە وبلىسىندا 21 تامىزدا باستالاتىن قازاقستان رەسپۋبليكاسىنىڭ چەمپيوناتىنا ىرىكتەۋدەن ءوتتى.
ويناعان پارتيالاردىڭ ناتيجەسىندە ەرلەر اراسىندا 70 جانە ودان جوعارى جاستاعى جەڭىمپازدار قاتارىندا روديونوۆ ۆيتالي بولدى. ايەلدەر اراسىندا بەرەنباەۆا رايحان جەڭىسكە جەتتى. ولار ىلە اۋدانىنان قاتىستى.
60 جاستان اسقان جاس ساناتىندا ۇزدىك ناتيجەلەردى ءازىمجانوۆ بازارباي (قاراساي اۋدانى) جانە مۇساەۆا قۇلسين (كەگەن اۋدانى) كورسەتتى.
ەرلەر اراسىندا 50 جاستان اسقان ساناتتا كەنجەبەك ءالنازاروۆ، ال ايەلدەر اراسىندا گۇلناريام ابدۋگاپوۆا جەڭىسكە جەتتى. ەكى ويىنشى دا قاراساي اۋدانىنان.
40 جاستان اسقان كىشى توپتا قاراساي اۋدانىنىڭ وكىلى بوقانوۆ عابيت تاعى دا ەرەكشەلەندى. وسى جاستاعى ايەلدەر اراسىندا تالعار اۋدانىنان كەلگەن اۆديل باقتىگۇل ۇزدىك ويىن كورسەتتى.
ۇيىمداستىرۋشىلار: الماتى وبلىسىنىڭ دەنە شىنىقتىرۋ جانە سپورت باسقارماسى، الماتى وبلىستىق سپورتتىق-بۇقارالىق ءىس-شارالاردى وتكىزۋ ورتالىعى، الماتى وبلىسىنىڭ توعىزقۇمالاق فەدەراتسياسى.
