Qazaq halqynyŋ ūlttyq oiyndaryn därıpteu - qazaq tarihyndaǧy eŋ maŋyzdy qūndylyqtardy jaŋǧyrtu men saqtaudyŋ maŋyzdy bölıgı. Osy maqsatta könenıŋ közın körgen ardagerler arasynda toǧyzqūmalaqtan chempionatqa ırıkteu şarasy öttı.
Jarysqa Almaty oblysynyŋ segız audanynan 40 jastan asqan, 50 jastan asqan, 60 jastan asqan jäne 70 jastan asqan tört toptaǧy ūlttyq qazaq oiynynyŋ janküierlerı qatysty, dep habarlaidy Almaty oblysy dene şynyqtyru jäne sport basqarmasynyŋ baspasöz qyzmetı.
Toǧyzqūmalaq türlerınıŋ bırı - "Klassika". Jeke esepte olar osy jas sanatynda Aqtöbe oblysynda 21 tamyzda bastalatyn Qazaqstan Respublikasynyŋ chempionatyna ırıkteuden öttı.
Oinaǧan partiialardyŋ nätijesınde erler arasynda 70 jäne odan joǧary jastaǧy jeŋımpazdar qatarynda Rodionov Vitalii boldy. Äielder arasynda Berenbaeva Raihan jeŋıske jettı. Olar Ile audanynan qatysty.
60 jastan asqan jas sanatynda üzdık nätijelerdı Äzımjanov Bazarbai (Qarasai audany) jäne Mūsaeva Qūlsin (Kegen audany) körsettı.
Erler arasynda 50 jastan asqan sanatta Kenjebek Älnazarov, al äielder arasynda Gülnariiam Abdugapova jeŋıske jettı. Ekı oiynşy da Qarasai audanynan.
40 jastan asqan kışı topta Qarasai audanynyŋ ökılı Boqanov Ǧabit taǧy da erekşelendı. Osy jastaǧy äielder arasynda Talǧar audanynan kelgen Avdil Baqtygül üzdık oiyn körsettı.
Ūiymdastyruşylar: Almaty oblysynyŋ dene şynyqtyru jäne sport basqarmasy, Almaty oblystyq sporttyq-būqaralyq ıs-şaralardy ötkızu ortalyǧy, Almaty oblysynyŋ toǧyzqūmalaq federasiiasy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz