شانحاي ىنتىماقتاستىعى ۇيىمىنا مۇشە ەلدەردىڭ باسشىلارى باس قوسقان كەڭەسكە قاتىسقان قازاقستان پرەزيدەنتدى قاسىم-جومارت توقاەۆ ەكولوگيا سالاسىنا قاتىستى بىرقاتار ماسەلەلەردى كوتەرڭپ، ءوزارا بايلانىستاردى نىعايتۋدى ۇسىندى، دەپ حابارلايدى "ادىرنا" ۇلتتىق پورتالى اقورداعا سىلتەمە جاساپ.
«ەكولوگيالىق كۇن ءتارتىبىن ىلگەرىلەتپەي، ورنىقتى ەكونوميكالىق وسىمگە قول جەتكىزۋ جانە قوعامنىڭ ءال-اۋقاتىن ارتتىرۋ مۇمكىن ەمەس. وكىنىشكە قاراي، سۋ تاسقىنى، قۋاڭشىلىق، ءورت، سۋدىڭ جانە توپىراقتىڭ لاستانۋى سەكىلدى ءتۇرلى تابيعي كاتاكليزمدەر ايتارلىقتاي كوبەيگەنىن بايقاپ وتىرمىز. وسى رەتتە قازاقستان قورشاعان ورتانى قورعاۋ پروبلەماسىن شەشۋ ءۇشىن كۇش بىرىكتىرۋدى كوزدەيدى، - دەدى توقاەۆ.
مۇنىمەن قوسا العاندا، توقاەۆ ەكولوگيالىق ماسەلەلەر بويىنشا بىرقاتار مىندەتتەرگە باسا نازار اۋدارۋ قاجەت ەكەندىگىن ايتتى.
- ءبىز مىناداي مىندەتتەرگە باسا نازار اۋدارۋ قاجەت دەپ سانايمىز: شىۇ مەن بۇۇ-نىڭ قورشاعان ورتا جونىندەگى باعدارلاماسى اراسىندا سەرىكتەستىك بايلانىس ورناتۋ; قورشاعان ورتانى قورعاۋ سالاسىنداعى ىنتىماقتاستىق تۋرالى كەلىسىمدى ازىرلەۋ; ەرەكشە قورعالاتىن تابيعي اۋماقتاردى جانە ەكولوگيالىق ءتۋريزمدى دامىتۋ جونىندەگى ىنتىماقتاستىق باعدارلاماسىن قابىلداۋ.
بۇل شارالاردىڭ بارلىعىن بۇگىن قابىلداناتىن دەكلاراتسيادا بەكىتىلگەن شىۇ-نىڭ ەكولوگيا جىلى اياسىندا ۇيىمداستىرۋدى ۇسىنامىن»، - دەدى پرەزيدەنت.
"ادىرنا" ۇلتتىق پورتالى
