بۇگىن شىمكەنت قالا كۇنى مەرەكەسىنە وراي №45 مەكتەپ-گيمنازيانىڭ قوسىمشا كورپۋسىنىڭ سالتاناتتى اشىلۋ ءراسىمى ءوتتى. وعان شىمكەنت قالاسىنىڭ اكىمى مۇرات ايتەنوۆ پەن قالالىق ءماسليحاتتىڭ توراعاسى باحادىر نارىمبەتوۆ قاتىستى.
شاھار باسشىسى مەكتەپ جانىنان قۇرىلعان لاگەردە دەمالىپ جاتقان بۇلدىرشىندەردىڭ ونەرىن تاماشالاپ، جاڭا وقۋ كورپۋسىنداعى كابينەتتەرمەن تانىسىپ شىقتى.
جاڭا كورپۋستا كۇزەت بولمەسى، اسحانا جانە سپورت زالى، سونداي-اق، ينفورماتيكا جانە اكت، قازاق ءتىلى مەن ادەبيەتى، ماتەماتيكا، تاريح، گەوگرافيا، اعىلشىن ءتىلى، حيميا، فيزيكا، بيولوگيا پاندەرىنە ارنالعان كابينەتتەر مەن STEM كابينەت جانە دەبات قوزعالىسىنا ارنالعان كابينەت بار. مۇنان بولەك فيزيكا، حيميا جانە بيولوگيا زەرتحانالارى دا قاراستىرىلعان. بارلىق كابينەتتەر قاجەتتى قۇرال-جابدىقتارمەن قامتىلعان. سونداي-اق، مەكتەپ-گيمنازيانىڭ اۋلاسىندا بالالار الاڭى مەن شاعىن فۋتبول الاڭى سالىنعان.
وسىلايشا، شىمكەنتتە تاعى ءبىر مەكتەپ ءۇش اۋىسىمنان ەكى اۋىسىمدى وقىتۋعا كوشىپ وتىر. بيىلعى جىلى قالادا ءۇش اۋىسىمدى مەكتەپتەر ماسەلەسى تولىعىمەن شەشىلەدى.
سونىمەن قاتار قالا اكىمى م.ايتەنوۆ قالاداعى №2 بالالار ساز مەكتەبىنىڭ جاڭارتىلعان عيماراتىمەن دە تانىستى. مۇندا 1 مىڭنان استام وقۋشىنىڭ ۆوكال، بي ونەرى جانە 14 ءتۇرلى اسپاپتا ويناۋدى ۇيرەنۋىنە قولايلى جاعداي جاسالعان.
ايتا كەتەيىك، شىمكەنتتە سوڭعى بەس جىلدا 48 810 ورىندىق 105 مەكتەپ پايدالانۋعا بەرىلگەن. ونىڭ ىشىندە، 80 پايىزى جەكە ينۆەستور ەسەبىنەن سالىنعان.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز